From Wikipedia, the free encyclopedia
రబీ పంట శరదృతువులో నాటిన, శీతాకాలం సీజన్ లో కోతకు వచ్చే వ్యవసాయ పంటలను సూచిస్తుంది. రబీ అనే పదం అరబిక్ పదమైన వసంతరుతువు (spring) నుండి ఉద్భవించింది. ఈ పదాన్ని భారత ఉపఖండంలో ఉపయోగిస్తున్నారు.
"రబీ" అనే పదానికి అరబిక్ అనువాదం వసంతం. ఈ పంటలు వసంతకాలంలో పండుతాయి కాబట్టి ఈ పేరు రావడం జరిగింది. రబీ సీజన్ నవంబరులో ప్రారంభమై మార్చి లేదా ఏప్రిల్ వరకు ఉంటుంది. నవంబరు నాటికి రుతుపవనాలు ముగియడంతో రబీ పంట సాగు ప్రధానంగా నీటి పారుదల ద్వారా జరుగుతుంది. రైతులు శరదృతువు ప్రారంభంలో విత్తనాలను నాటడం, పంటలు వసంత కాలంలో రావడం జరుగుతుంది.[1]
భారతదేశంలో వివిధ కాలాల ఆధారంగా వ్యవసాయ పంటలు మారుతూ ఉంటాయి, పంటలు పెరగడానికి,సరియైన పంటలు రావడానికి నిర్దిష్ట, సరైన వాతావరణ పరిస్థితులు అవసరం. ఖరీఫ్, రబీ అనే రెండు పంటలను ఆసియా దేశాలు ప్రధానంగా వర్షాకాలంలో వేయడం జరుగుతుంది. ఖరీఫ్ పంటల సాగు వేయడం వర్షాకాలం ప్రారంభంతో ప్రారంభమై, అయిపోయే వరకు, రబీ పంటలు శీతాకాలంలో నాటు వే సి వసంతకాలం వచ్చే వరకు ఆ పంటలు రావడం జరుగుతుంది. ఆ పంటలలో గోధుమ, బార్లీ, శనగలు, బఠానీలు పంటలను కలిగి ఉంటాయి. రబీ పంటలు ప్రధానంగా రుతుపవనాల వర్షాలు ముగిసిన తరువాత, నవంబరు మధ్యలో సాగు చేయబడి, ఆ పంటలు ఏప్రిల్ / మేలో కోతలు ప్రారంభమవుతాయి. ఈ రబీ పంటలు భూమిలో ఉండే ఇంకిన వర్షపు నీటితో లేదా నీటి పారుదల పద్ధతులను ఉపయోగించి పంటలు పండిస్తారు రబీ పంటలను శీతాకాల పంటలు అని కూడా అంటారు. అక్టోబర్, మార్చి నెలల్లో మొదలయ్యే శీతాకాలంలో ఇవి పెరుగుతాయి. అరబిక్ పదం 'రబీ' వసంతాన్ని సూచిస్తుంది. అందువల్ల, రబీ పంటల కోత సమయం వసంతకాలంలో ప్రారంభమవుతుంది. ఖరీఫ్ పంటల మాదిరిగా కాకుండా, రబీ పంటలు పండించడానికి తక్కువ నీరు అవసరం. అందువల్ల, అవి మంచి వృద్ధి చెందడానికి సాధారణ నీటి పారుదల సహాయంతో సులభంగా పెరుగుతాయి. రబీ పంటలలో గోధుమ, బార్లీ, పప్పుధాన్యాలు, శనగలు, రైతులు ఈ సమయంలో ఆవాలు, జీలకర్ర, పొద్దుతిరుగుడు, రాప్సీడ్, మరెన్నో విత్తనాలను కూడా నాటువేయడం వంటివి జరుగుతాయి.[2]
భారతీయ వ్యవసాయ భూమిలో సగం వర్షాధారంగా ఉంటుంది, కాబట్టి రబీ పంట దిగుబడులకు సకాలంలో,తగినంత వర్షాలు కీలకం గా ఉంటాయి. రబీ పంటల సాగులో అకాల వర్షములు రావడం ,రబీ పంటలకు నష్టం జరుగు తాయి ,కొన్ని రాష్ట్రాల్లో వర్షాలు కూరగాయలు, మామిడి పంటలకు మేలు చేయగా, కొన్ని రాష్ట్రాల్లో గోధుమలు, లిచీ పంటలు దెబ్బతినే అవకాశం ఉంది, మొత్తానికి రబీ పంటకు సరియైన వర్ష పాతం, నిరంతరం విద్యుత్ ఉంటడం, అకాల వర్షాలు రాకపోతే రబీ పంటలు రైతులకు మేలుచేస్తాయని అనడంలో సందేహం లేదు.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
