ఖండం From Wikipedia, the free encyclopedia
యూరేషియా భూమ్మీది అతిపెద్ద భూఖండం. ఐరోపా, ఆసియాలు మొత్తం కూడుకుని ఉన్న ప్రాంతం ఇది. [1] ప్రధానంగా ఉత్తరార్థగోళం, తూర్పు అర్ధగోళాలలో విస్తరించి ఉన్న ప్రాంతం ఇది. పశ్చిమాన అట్లాంటిక్ మహాసముద్రం, తూర్పున పసిఫిక్ మహాసముద్రం, ఉత్తరాన ఆర్కిటిక్ మహాసముద్రం, దక్షిణాన ఆఫ్రికా, మధ్యధరా సముద్రం, హిందూ మహాసముద్రం సరిహద్దులుగా ఉన్నాయి. ఐరోపా, ఆసియాల మధ్య స్పష్టమైన భౌతిక విభజన లేదు. అదొక చారిత్రక, సామాజిక విభజన. అందువల్ల, ప్రపంచంలోని కొన్ని ప్రాంతాల్లో యూరేషియాను భూమిపై ఉన్న ఆరు, ఐదు, లేదా నాలుగు ఖండాలలో అతిపెద్దదిగా గుర్తిస్తారు. [1] భూగర్భ శాస్త్రంలో, యూరేషియాను ఒకే కఠినమైన మెగాబ్లాక్గా పరిగణిస్తారు. అయితే, పాలియోమాగ్నెటిక్ డేటా ఆధారంగా యూరేషియా దృఢత్వం పట్ల చర్చ జరుగుతోంది. [2] [3]
![]() | |
వైశాల్యం | 54,759,000 km2 |
---|---|
జనాభా | 4,620,000,000 (2010) |
జనసాంద్రత | 84/km2 |
నివసించేవారు | యూరేషియన్ |
దేశాలు | 93 (list) |
ఆధారపడేవారు | 9 |
Non-UN states | 8 |
యూరేషియా 5.5 కోట్ల చ.కి.మీ. వైశాల్యంలో ఉంది. ఇది భూమి మొత్తం భూభాగంలో 36.2%. ఈ ప్రాంతంలో 500 కోట్లకు పైగా ప్రజలు ఉన్నారు. ఇది మొత్తం మానవ జనాభాలో సుమారు 70%కి సమానం. యూరేషియాలో మానవులు మొదట 60,000 - 125,000 సంవత్సరాల క్రితం స్థిరపడ్డారు. గ్రేట్ బ్రిటన్, ఐస్లాండ్, ఐర్లాండ్, శ్రీలంకతో సహా కొన్ని ప్రధాన ద్వీపాలు, అలాగే జపాన్, ఫిలిప్పీన్స్, ఇండోనేషియాలోని చాలా ప్రాంతాలు యూరేషియా నిర్వచనం క్రిందకు చేరుతాయి.
37.5 - 32.5 కోట్ల సంవత్సరాల క్రితం సైబీరియా, కజాఖ్స్తానియా, బాల్టికా ల విలీనంతో యూరేషియా ఏర్పడింది. ఇది లారెన్షియాలో (ఇప్పటి ఉత్తర అమెరికా) కలిసి యురేమెరికా ఏర్పడింది. చైనా క్రేటాన్లు సైబీరియా దక్షిణ తీరంతో ఢీకొన్నాయి.
యూరేషియా అనేక పురాతన నాగరికతలకు నెలవు. వీటిలో మెసొపొటేమియా, సింధు లోయ, చైనాలు ఉన్నాయి . యాక్సియల్ యుగంలో (మొదటి మిలీనియం BC మధ్య కాలం), అట్లాంటిక్ నుండి పసిఫిక్ వరకు యూరేషియా ఉపఉష్ణమండల జోన్ గుండా నాగరికతలు విలసిల్లాయి. ఈ బెల్ట్ రెండు సహస్రాబ్దాలుగా ప్రపంచ చరిత్రలో ప్రధాన స్రవంతిగా మారింది.
వాస్తవానికి, “యూరేషియా” అనేది భౌగోళిక భావన: ఈ కోణంలో, ఇది కేవలం అతిపెద్ద ఖండం; ఐరోపా. ఆసియాల మొత్తం భూభాగం. అయితే, భౌగోళిక రాజకీయంగా, ఈ పదానికి అనేక విభిన్న అర్ధాలు ఉన్నాయి. ఇది నిర్దుష్ట భౌగోళిక రాజకీయ ప్రయోజనాలను ప్రతిబింబిస్తుంది. [4] "యూరేషియా" చాలా ముఖ్యమైన భౌగోళిక రాజకీయ భావనలలో ఒకటి. యూరేషియా గురించి జ్బిగ్నూ బ్రెజెన్స్కీ ఇలా అన్నాడు:
“... అమెరికా యూరేషియాతో ఎలా వ్యవహరిస్తుందనేది కీలకం. యూరేషియాను నియంత్రించే శక్తి, ప్రపంచం లోని మూడు అత్యాధునిక, ఆర్థికంగా అత్యంత ఉత్పాదక ప్రాంతాల్లో రెండింటిని నియంత్రించినట్లే. యూరేషియాపై నియంత్రణ ఉంటే, ఆటోమాటిగ్గా ఆఫ్రికా అదుపులో ఉన్నట్లేనని, మ్యాపును ఓసారి చూస్తే తెలిసిపోతుంది. దీంతో పశ్చిమార్థగోళం, ఓషియానియాలు జియోపొలిటికల్గా మధ్య ఖండం చుట్టూ ఉన్నట్టు అవుతుంది. ప్రపంచ జనాభాలో 75 శాతం మంది యూరేషియాలో నివసిస్తున్నారు. ప్రాపంచిక సంపదలో చాలావరకూ అక్కడే, అక్కడి సంస్థల్లోను, దాని భూగర్భం లోనూ, ఉంది. ప్రపంచం లోను శక్తి వనరుల్లో నాలుగింట మూడు వంతులు యూరేషియా లోనే ఉన్నాయి.”[5]
1914 ప్రాంతంలో రష్యను భావనలో "యూరేషియా" అంటే తూర్పు ఐరోపాలోని కొన్ని భాగాలను కూడా కలిపిన ఇంపీరియల్ రష్యా సామ్రాజ్యమే. [6] రష్యా "యూరేషియా"లో భాగంగా భావించే ఆ దేశాలతో మరింత సన్నిహితంగా ఉండడమే దాని ప్రధాన భౌగోళిక రాజకీయ ప్రయోజనాలలో ఒకటిగా ఉండేది.
జార్జ్ ఆర్వెల్ నవల 1984 లో మూడు సూపర్స్టేట్స్లో ప్కటిగా పేర్కొన్నపుడు యూరేషియా పదం ఖ్యాతి గాంచింది. [7]
యూరేషియా అంతటా, యురేషియన్ ఎకనామిక్ స్పేస్, యూరోపియన్ సింగిల్ మార్కెట్, ఆసియాన్ ఎకనామిక్ కమ్యూనిటీ, గల్ఫ్ కోఆపరేషన్ కౌన్సిల్ సహా అనేక సింగిల్ మార్కెట్లు ఉద్భవించాయి. యూరేషియా అంతటా సమైక్యతను ప్రోత్సహించడానికి అనేక అంతర్జాతీయ సంస్థలు, కార్యక్రమాలు ఉన్నాయి. అవి:
1996 నుండి ప్రతి రెండు సంవత్సరాలకు చాలా ఆసియా యూరోపియన్ దేశాలు ఆసియా-యూరప్ సమావేశం (ASEM) పేరుతో సమావేశమౌతూంటాయి.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.