ప్లయోసీన్
From Wikipedia, the free encyclopedia
53.33 లక్షల సంవత్సరాల క్రితం నుండి 25.8 లక్షల సంవత్సరాల క్రితం వరకూ ఉన్న కాలాన్ని భౌగోళిక కాలమానంలో ప్లయోసీన్ ఇపోక్ అంటారు. ఇది సెనోజాయిక్ ఎరా లోని, నియోజీన్ పీరియడ్లో రెండవ పీరియడ్. మయోసీన్ ఇపోక్ తరువాత ప్లయోసిన్ వస్తుంది. ప్లయోసీన్ తరువాత ప్లైస్టోసీన్ వస్తుంది..భౌగోళిక కాలమానాన్ని 2009 లో సవరించడానికి ముందు, ప్లయోసీన్లో కూడా ఒక గ్లేసియేషన్ (25.88 – 18.06 లక్షల సంవత్సరాల క్రితం వరకూ సాగినది) ఉండేది. సవరణలో దాన్ని ప్లైస్టోసీన్లో చేర్చారు.[2]
సిస్టమ్/ పీరియడ్ |
సీరీస్/ ఇపోక్ |
స్టేజ్/ ఏజ్ |
వయసు (Ma) | |
---|---|---|---|---|
క్వాటర్నరీ | ప్లైస్టోసీన్ | గెలాసియన్ | younger | |
నియోజీన్ | ప్లయోసీన్ | పియాసెంజియన్ | 2.58 | 3.600 |
జాంక్లియన్ | 3.600 | 5.333 | ||
మయోసీన్ | మెస్సీనియన్ | 5.333 | 7.246 | |
టోర్టోరియన్ | 7.246 | 11.63 | ||
సెర్రావాలియన్ | 11.63 | 13.82 | ||
లాంగియన్ | 13.82 | 15.97 | ||
బుర్డిగాలియన్ | 15.97 | 20.44 | ||
అక్విటానియన్ | 20.44 | 23.03 | ||
పాలియోజీన్ | ఓలిగోసీన్ | చాటియన్ | older | |
Subdivision of the Neogene Period according to the ICS, as of 2017.[1] |
దీనికంటే పాత భౌగోళిక కాలాల మాదిరిగానే, ప్లయోసీన్ ప్రారంభం, ముగింపులను నిర్వచించే భూమి పొరలు స్పష్టంగానే ఉన్నాయి. కానీ ప్రారంభం, ముగింపుల ఖచ్చితమైన తేదీలు కొద్దిగా అనిశ్చితంగా ఉన్నాయి. ప్లయోసీన్ సరిహద్దులను నిర్వచించేందుకు వీలైన ప్రపంచవ్యాప్త ఘటనలేమీ లేవు. వెచ్చని మయోసీన్ కాలం, సాపేక్షికంగా చల్లగా ఉండే ప్లయోసీన్ కాలాల మధ్య ప్రాంతీయ సరిహద్దులే ఉన్నాయి. ప్లైస్టోసీన్ కాలపు గ్లేసియేషన్ల ప్రారంభాన్ని ఎగువ సరిహద్దుగా నిర్ణయించారు.