తూర్పు ఆఫ్రికా చీలిక
తూర్పు ఆఫ్రికా ప్రాంతంలో భూమి చీలిపోతున్న క్రమం / From Wikipedia, the free encyclopedia
తూర్పు ఆఫ్రికా చీలిక (ఈస్ట్ ఆఫ్రికన్ రిఫ్ట్ - EAR) లేదా తూర్పు ఆఫ్రికా చీలిక వ్యవస్థ (ఈస్ట్ ఆఫ్రికన్ రిఫ్ట్ సిస్టమ్ - EARS) అనేది తూర్పు ఆఫ్రికాలో క్రియాశీలంగా ఉన్న ఖండాంతర భూమి చీలిక ప్రాంతం. 2.2-2.5 కోట్ల సంవత్సరాల క్రితం మియోసిన్ ప్రారంభంలో ఈ చీలిక మొదలైంది.[1] గతంలో దీన్ని ఉత్తరాన ఆసియా మైనర్ వరకు విస్తరించి ఉన్న పెద్ద గ్రేట్ రిఫ్ట్ వ్యాలీలో భాగంగా పరిగణించారు.
సన్నపాటి ఈ చీలిక, విడిపోతున్న టెక్టోనిక్ ఫలకాల వలన ఏర్పడుతోంది. ఇక్కడ ఆఫ్రికన్ ప్లేట్ సోమాలి ప్లేట్, నూబియన్ ప్లేట్ అనే రెండు టెక్టోనిక్ ప్లేట్లుగా విడిపోయే ప్రక్రియలో ఉంది. ఇది సంవత్సరానికి 6–7 mమీ. (0.24–0.28 అం.) చొప్పున చీలుతోంది. ఈ చీలిక వ్యవస్థలో మూడు మైక్రోప్లేట్లున్నాయి - ఉత్తరాన విక్టోరియా మైక్రోప్లేట్, దక్షిణాన రోవుమా, ల్వాండిల్ మైక్రోప్లేట్లు. విక్టోరియా మైక్రోప్లేట్ ఆఫ్రికన్ ప్లేట్కు సంబంధించి అపసవ్య దిశలో తిరుగుతోంది. EARSలో యాంత్రికంగా బలహీనమైన, బలమైన లిథోస్పిరిక్ ప్రాంతాల వల్ల ఈ భ్రమణం ఏర్పడుతోంది.[2][3]
ఈ చీలిక వ్యాలీలో (రిఫ్ట్ వ్యాలీ) అనేక మహా సరస్సులు ఉన్నాయి.