భారతీయ వ్యాపారవేత్త From Wikipedia, the free encyclopedia
ఆనంద్ గోపాల్ మహీంద్రా (జననం 1955 మే 1) ఒక భారతీయ బిలియనీర్ వ్యాపారవేత్త. ఆయన మహీంద్రా గ్రూప్ ప్రస్తుత చైర్మన్.[4][5][6][7] ముంబైకి చెందిన ఈ బిజెనెస్ గ్రూప్ లో ఏరోస్పేస్, అగ్రిబిజినెస్, ఆటోమోటివ్, స్పేర్స్, నిర్మాణ పరికరాలు, డిఫెన్స్, ఎనర్జీ, వ్యవసాయ పరికరాలు, ఆర్థిక, భీమా, పారిశ్రామిక పరికరాలు, సమాచార సాంకేతికత, విశ్రాంతి, ఆతిథ్యం, లాజిస్టిక్స్, రియల్ ఎస్టేట్, ఆఫ్టర్ సేల్స్, రిటైల్.. ఇలా పలురకాల వ్యాపారాలున్నాయి.[8] ఈ మహీంద్రా అండ్ మహీంద్రా సహ వ్యవస్థాపకుడు జగదీష్ చంద్ర మహీంద్రా మనువడు ఆనంద్ మహీంద్రా నికర విలువ 2020 జనవరి నాటికి $1.6 బిలియన్లుగా అంచనా వేయబడింది.
ఆనంద్ మహీంద్రా హార్వర్డ్ విశ్వవిద్యాలయం, హార్వర్డ్ బిజినెస్ స్కూల్ పూర్వ విద్యార్థి.[9] 1996లో ఆయన భారతదేశంలో నిరుపేద బాలికల విద్య కోసమై నాన్హి కాలీ అనే ప్రభుత్వేతర సంస్థను స్థాపించాడు.[10][11] ప్రపంచంలోని 50 మంది గొప్ప నాయకులలో ఆయనను ఒకరిగా ఫార్చ్యూన్ మ్యాగజైన్ ఎంపికచేసింది.[12] అదే మ్యాగజైన్ 2011లో ఆసియాలోని 25 అత్యంత శక్తివంతమైన వ్యాపారవేత్తల జాబితాలో ఆనంద్ మహీంద్రా పేరు చేర్చింది.[13] ఆనంద్ మహీంద్రాను ఫోర్బ్స్ (ఇండియా) 2013 సంవత్సరానికి 'ఆంట్రప్రెన్యూర్ ఆఫ్ ది ఇయర్'గా గుర్తించింది.[14] ఆయనకి 2020 జనవరిలో భారతదేశంలో మూడవ అత్యున్నత పౌర పురస్కారమైన పద్మభూషణ్ అవార్డు లభించింది.[15][16]
1955 మే 1న ముంబైలో దివంగత పారిశ్రామికవేత్త హరీష్ మహీంద్రా, ఇందిరా మహీంద్రా దంపతులకు ఆనంద్ మహీంద్రా జన్మించాడు.[17] ఆయనకు అనుజ శర్మ, రాధికా నాథ్ అనే ఇద్దరు సోదరీమణులు ఉన్నారు.[18] అతను లవ్డేల్ లోని లారెన్స్ స్కూల్ లో పాఠశాల విద్యను పూర్తి చేసాడు.[19] ఆ తరువాత హార్వర్డ్ విశ్వవిద్యాలయం నుండి ఫిల్మ్ మేకింగ్, ఆర్కిటెక్చర్ కోర్సులనును అభ్యసించాడు, అక్కడ అతను 1977లో మాగ్నా కమ్ లాడ్ పట్టభద్రుడయ్యాడు. 1981లో హార్వర్డ్ బిజినెస్ స్కూల్ నుండి తన ఎం.బి.ఎ పూర్తి చేసాడు.[9][20]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.