From Wikipedia, the free encyclopedia
ఆజం జాహి మిల్స్, తెలంగాణ రాష్ట్రం వరంగల్ జిల్లాలో స్థాపించబడిన వస్త్ర తయరీ పరిశ్రమ.[1][2] హైదరాబాద్ రాజ్య 7వ నిజాం మీర్ ఉస్మాన్ అలీ ఖాన్ 1934లో వరంగల్ రైల్వే స్టేషన్ సమీపంలో ఈ అజం జాహీ మిల్స్ ను స్థాపించాడు. ఈ మిల్లుకు అలీఖాన్ మొదటి కుమారుడు ప్రిన్స్ అజామ్ జాహ్ పేరు పెట్టబడింది.[3]
![]() ఆజం జాహి మిల్స్ | |
ఆజం జాహి మిల్స్ | |
రకం | మిల్స్ |
పరిశ్రమ | వస్త్రం పరిశ్రమ |
స్థాపన | 1934 (వరంగల్, తెలంగాణ) |
స్థాపకుడు | హైదరాబాద్ రాజ్య 7వ నిజాం మీర్ ఉస్మాన్ అలీ ఖాన్ |
క్రియా శూన్యత | 1990లలో |
విధి | మూసివేత |
ప్రధాన కార్యాలయం | వరంగల్ , భారతదేశం |
200 ఎకరాలకు పైగా భూములతో ఏర్పాటు చేయబడిన ఈ ఆజం జాహి మిల్లులు భారతదేశంలో అతిపెద్ద వస్త్ర పరిశ్రమలలో ఒకటిగా నిలిచింది. స్వాతంత్య్రానికి ముందు, ఈ మిల్లు 10,000 మందికి పైగా ఉపాధిని కల్పించింది. ఇక్కడ తయారయిన వస్త్రాలు మిల్లులు వరంగల్ పట్టణం మొత్తానికి సరఫరా చేయబడ్డాయి. ఈ మిల్లు సైరన్ వరంగల్, చుట్టుపక్కల గ్రామాల నివాసితులకు ఉదయం వేక్-అప్ కాల్గా వచ్చేది. 1974లో బెంగళూరుకు చెందిన నేషనల్ టెక్స్టైల్ కార్పోరేషన్ ఈ కంపెనీని స్వాధీనం చేసుకుంది. 1980ల చివరి వరకు ఆరు దశాబ్దాలకు పైగా పనిచేసిన ఈ మిల్లు, 1990ల ప్రారంభంలో మూసివేయబడింది.[4]
2008లో కాకతీయ పట్టణ అభివృద్ధి సంస్థకి ఈ భూమి ఇవ్వగా, దాన్ని ప్లాట్లుగా తయారుచేసి విక్రయించారు. మిల్లులో పనిచేసి రిటైర్డ్ ఉద్యోగులకు ప్రతిఒక్కరికి 200 గజాల స్థలాలు కేటాయించబడ్డాయి.[5] మిల్లుకు చెందిన 200 ఎకరాలలో ప్రస్తుతం 30 ఎకరాలు మాత్రమే మిగిలింది. ప్రజల డిమాండ్ మేరకు ఈ స్థలంలో అపెరల్ పార్క్ ఏర్పాటు చేయాలని ప్రతిపాదించబడింది.[6] 1970ల నుండి ఇది పూర్తిస్థాయిలో పనిచేస్తోంది. ఫ్యాక్టరీల సాంకేతికతలను విద్యార్థులకు అందించేందుకు దీనిని ఉపయోగిస్తున్నారు. పార్సీ పెద్దమనిషి యాజమాన్యంలో ఐస్ ఫ్యాక్టరీ ఉంది.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.