From Wikipedia, the free encyclopedia
యెరెవాన్ సర్కస్ (ఆర్మేనియన్:Երևանի կրկես) 1930లలో ప్రారంభించబడిన స్వంత భవనం కలిగి స్థిరమైన ఒక సర్కస్ కంపెనీ. ఈ సర్కస్ 1962లో ఆధునీకరించబడింది. 2012 సెప్టెంబరులో ఈ భవనాన్ని కూల్చివేశారు. ఈ సర్కస్ 2017 అక్టోబరులో కొత్త భవనంలో పునఃప్రారంభయ్యింది.
ఈ సర్కస్ తొలి భవనం 1930లలో పూర్తిగా చెక్కతో నిర్మించడింది. 1939లో దాని స్థానంలో కొత్త భవనం 800 మంది ప్రేక్షకుల సామర్థ్యంతో నిర్మించబడింది. దీనిని నికోఘయొస్ బునియాటియన్రూపకల్పన చేశాడు. ఈ భవనం 1962లో వఘర్షక్ బెలుబెకియన్ ప్రాజెక్ట్ పూర్తిగా పునర్నిర్మించింది. దీని సామర్థ్యాన్ని 700 మందికి తగ్గించారు.[1] ఈ భవనంలో తరువాత ఎటువంటి మార్పులు జరుగలేదు.[2][3]
యెరెవాన్ సర్కస్ 2005 ఆగష్టులో ప్రైవేటీకరణ చేశారు. దీనిని సోస్ పెట్రొస్యాన్ 150 మిలియన్ల ఆర్మేనియన్ డ్రామ్ (AMD)లకు ఖరీదు చేశాడు.[1][2] 2011లో మాస్కోలో నివసిస్తున్న ఆర్మేనియన్ వ్యాపారవేత్త శ్యాంవెల్ కరపెత్యన్ ఈ సర్కస్ అభివృద్ధికి తన సంస్థ తషిర్ గ్రూపు తరఫున 10 మిలియన్ డాలర్లను పెట్టుబడి పెట్టనున్నట్లు వెల్లడించాడు.[1]
2011 ఆగష్టు నెలలో తషిర్ గ్రూప్ మరమ్మత్తు పనులను ప్రారంభించింది.[4] తరువాత ఈ భవనం ఆధునీకరణకు అనుకూలంగా లేదని పూర్తిగా కూల్చివేసి దాని స్థానంలో కొత్త భవంతిని నిర్మించాలని నిర్ణయించుకుంది.[5]ఈ సర్కస్ బిల్డింగ్ పైకప్పును 2012 జూలై 21న కూల్చివేశారు.[2][4] కొన్ని నెలల తర్వాత్ 2012 సెప్టెంబరు 8న మొత్తం భవనాన్ని కూల్చివేశారు[6][7] ఈ కూల్చివేత కార్యక్రమాన్ని ఆర్మేనియా దేశపు అత్యవసర పరిస్థితుల మంత్రిత్వశాఖ పర్యవేక్షించింది.
పునర్నిర్మాణం సందర్భంగా ఈ సర్కస్ జంతువులను తాత్కాలికంగా యెరెవాన్ జూకు తరలించారు.[4]
కొత్త సర్కస్ భవనంలో 1,700 నుండి 2,000 మంది ప్రేక్షకులు ఒకే సారి సర్కస్ను చూడవచ్చు.[1] ఈ సర్కస్ క్రింద అండర్గ్రౌండ్ పార్కింగ్ను నిర్మించారు.[3] 2014లో ఈ భవనం నిర్మాణం పూర్తి అయ్యింది.[3]
హెన్రిక్ మాల్యన్ అనే ఆర్మేనియన్ దర్శకుడు 1963లో తీసిన రోడ్ టు ద స్టేజ్ అనే సోవియట్ సినిమాలో అనేక దృశ్యాలలో ఈ సర్కస్ను చిత్రీకరించారు. ఈ సర్కస్కు చెందిన ప్రముఖ ఆర్మేనియన్ విదూషకుడు లియోనిద్ యెంగిబరోవ్ ఈ సినిమాలో నటించాడు.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.