ఒడిశా లోని పట్టణం From Wikipedia, the free encyclopedia
భద్రక్ ఒడిషా రాష్ట్రం భద్రక్ జిల్లా లోని పట్టణం, ఈ జిల్లా ముఖ్యపట్టణం. పురాణాల ప్రకారం, పట్టణానికి ఈ పేరు సలాండి నది ఒడ్డున ఉన్న భద్రకాళి దేవి నుండి వచ్చింది.[2]
| భద్రక్ | |||||||
|---|---|---|---|---|---|---|---|
| — పట్టణం — | |||||||
[[File:
|
|||||||
  భద్రక్ |
|||||||
| దేశం |  India |
||||||
| రాష్ట్రం |  ఒడిశా |
||||||
| జిల్లా | భద్రక్ | ||||||
| జనాభా (2011)[1] | |||||||
| - మొత్తం | 107,369 | ||||||
| Population rank | India 456th, Odisha 9th | ||||||
| భాషలు | |||||||
| - అధికారిక | ఒరియా | ||||||
| Time zone | IST (UTC+5:30) | ||||||
| PIN | 756100 | ||||||
పురాణాల ప్రకారం, భద్రక్ అనే పేరు భద్రకాళి దేవి నుండి వచ్చింది. ఈ ఆలయం పట్టణ నైరుతి శివార్లలో ఉంది.[3]
ఒడిశా సముద్ర, వ్యవసాయ పురోభివృద్ధికి, వ్యాపార వాణిజ్యాల వృద్ధికీ భద్రక్ చేసిన తోడ్పాటు చరిత్రలో భాగం. మొఘల్ కాలంలో భద్రక్, బెంగాల్ నవాబుల కింద ఒక సుబా లేదా ప్రావిన్సుగా ఉండేది. మొఘలుల సామ్రాజ్యం క్షీణించినప్పుడు, ఈ ప్రాంతం కనికా, నాంపో, అగరపడ అనే సంస్థానాలుగా విడిపోయింది.వీటిని క్షత్రియ ప్రభువులు పాలించేవారు.[3]
1804 జూన్‌లో బ్రిటిష్ వారు ఒడిశాను ఆక్రమించిన తరువాత, భద్రక్, కటక్‌లో ఒక పరిపాలనా విభాగంగా ఉండేది. 1828లో, బాలాసోర్‌ను ప్రత్యేక జిల్లాగా చేసినప్పుడు, భద్రక్‌ను అందులో ఒక సబ్-డివిజనుగా చేసారు. కానీ మున్సిఫ్ కోర్టు 1901 వరకు జాజ్‌పూర్‌లో ఉండేది.[3]
జాతీయ పోరాట కాలంలో భద్రక్ ముందంజలో ఉండేది. 1920లో మహాత్మా గాంధీ సహాయ నిరాకరణ ఉద్యమం ప్రారంభించాడు. 1921 మార్చిలో గాంధీ, భద్రక్ సందర్శించాడు. 1922లో అతను కనికా తిరుగుబాటును ప్రారంభించాడు. బ్రిటిష్ దళాలు అణచివేయడానికి ప్రయత్నించాయి; కానీ చివరికి కౌలుదారుల ఉద్యమం కనికాకు చెందిన చక్రధర్ బెహరా నాయకత్వంలో విజయం సాధించింది.[3]
1930లో శాసనోల్లంఘన ఉద్యమం ప్రారంభమైనప్పుడు భద్రక్ కూడా ఉప్పు చట్టాన్ని ధిక్కరించి, ప్రభుత్వానికి వ్యతిరేకంగా పోరాడింది. ఈ ఉద్యమంలో హరేకృష్ణ మహతాబ్ పాత్ర భద్రక్‌లో ప్రతిష్ఠాత్మకంగా మారింది. ఆధునిక భారతదేశ చరిత్రలో భాగమైంది. 1934లో మళ్లీ భద్రక్ సందర్శించిన గాంధీ, మహతాబ్ నివాసంలో ఉండి, జింబరన్ ఆశ్రమంలో (నుసాహి, ఆశ్రమం, గరద్‌పూర్) హరిజన్ కార్మికుల సమావేశంలో ప్రసంగించారు. ఈ సమయంలోనే ఈరామ్‌కు చెందిన బంచనిధి మొహంతి తన దేశభక్తి గీతాల ద్వారా ప్రజలలో జాతీయ చైతన్యాన్ని రూపొందించడం, ఉత్తేజపరిచడం జరిగింది.[3]
2011 జనగణన ప్రకారం, భద్రక్ జనాభా 1, 07,463. ఇందులో పురుషులు 51% (55,090 మంది), స్త్రీలు 49% (52,373 మంది). పట్టణంలో అక్షరాస్యత 79.49%. ఇది జాతీయ సగటు 59.5% కంటే ఎక్కువ. పురుషుల్లో అక్షరాస్యత 83.99% కాగా, స్త్రీలలో ఇది 74.77%. జనాభాలో 12% (13,138) మంది 6 సంవత్సరాల కంటే తక్కువ వయస్సు గలవారు.[1]
భద్రక్ పట్టణం నుండి ఒడిషా రాష్ట్రం లోని పట్టణాలు, దేశం లోని ఇతర ప్రాంతాలతో చక్కటి రవాణా సౌకర్యాలున్నాయి. ఈ పట్టణం జాతీయ రహదారి 16 పై, రాష్ట్ర రాజధాని భువనేశ్వర్‌కు ఈశాన్యంగా 130 కి.మీ. దూరంలో ఉంది.[4]
భద్రక్ పట్టణంలో మూడు బస్ స్టేషన్లు ఉన్నాయి, కటక్, భువనేశ్వర్, బాలాసోర్, కలకత్తాల నుండి తరచుగా బస్సులు ఉన్నాయి.
భద్రక్ రైల్వే స్టేషను పట్టణ కేంద్రం నుండి 3 కి.మీ. దూరంలో ఉన్న చరంప వద్ద ఉంది.
సమీప విమానాశ్రయం 135 కి.మీ. దూరం లోని భువనేశ్వర్‌లో ఉన్న బిజు పట్నాయక్ అంతర్జాతీయ విమానాశ్రయం.[4]
| శీతోష్ణస్థితి డేటా - Bhadrak, Odisha | |||||||||||||
|---|---|---|---|---|---|---|---|---|---|---|---|---|---|
| నెల | జన | ఫిబ్ర | మార్చి | ఏప్రి | మే | జూన్ | జూలై | ఆగ | సెప్టెం | అక్టో | నవం | డిసెం | సంవత్సరం |
| సగటు అధిక °C (°F) | 27.2 (81.0) |
30.0 (86.0) |
34.3 (93.7) |
36.9 (98.4) |
37.1 (98.8) |
34.6 (94.3) |
31.4 (88.5) |
31.3 (88.3) |
31.5 (88.7) |
30.5 (86.9) |
28.9 (84.0) |
27.0 (80.6) |
31.7 (89.1) |
| సగటు అల్ప °C (°F) | 14.4 (57.9) |
17.1 (62.8) |
21.4 (70.5) |
24.9 (76.8) |
26.7 (80.1) |
26.3 (79.3) |
25.7 (78.3) |
25.9 (78.6) |
25.6 (78.1) |
23.4 (74.1) |
18.0 (64.4) |
14.3 (57.7) |
22.0 (71.6) |
| సగటు వర్షపాతం mm (inches) | 13 (0.5) |
31 (1.2) |
34 (1.3) |
45 (1.8) |
85 (3.3) |
212 (8.3) |
306 (12.0) |
326 (12.8) |
273 (10.7) |
161 (6.3) |
38 (1.5) |
6 (0.2) |
1,530 (59.9) |
| Source: en.climate-data.org | |||||||||||||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
