From Wikipedia, the free encyclopedia
సెయింట్ జార్జి చర్చి తెలంగాణ రాష్ట్ర రాజధాని హైదరాబాదులోని అబీడ్స్ లో ఉన్న క్రైస్తవ ప్రార్థనామందిరం.[1] 1844లో చర్చి మిషనరీ సొసైటీ వారిచే నిర్మించబడిన ఈ చర్చి, 1947లో దక్షిణ భారతదేశపు చర్చీల సమూహంలో చేర్చబడింది.[2] హైదరాబాదు పట్టణ అభివృద్ధి సంస్థ (హుడా)చే వారసత్వ కట్టడంగా గుర్తించబడింది.
బ్రిటీషు రెసిడెన్సీ భవనం కోఠిలో ఏర్పాటుచేయడంతో అనేకమంది క్రైస్తవులు చాదర్ ఘాట్, అబిడ్స్ ప్రాంతంలో నివాసాన్ని ఏర్పాటుచేసుకున్నారు. వారందరికి అందుబాటులో ఉండేందుకు నిజాం ప్రభువు అనుమతితో దాదాపు పదిన్నర ఎకరాల్లో ఈ చర్చి నిర్మించబడింది.[3]
దీనికి బ్రిటీషు రెసిడెంట్ సర్ జార్జి యాలే శంకుస్థాపన చేశాడు. దీని నిర్మాణానికి దాదాపు రెండు సంవత్సరాల కాలం పట్టింది. డెబ్భై అడుగుల ఎత్తులో యూరోపియన్ శైలీలో క్రీస్తు శిలువ ఆకారంలో నిర్మించిన ఈ చర్చి ముందు ఎత్తైన పోర్టికో, ప్రార్థనా మందిరంలో రంగూన్ టేకు టేబుళ్లు, ఇతర వస్తువులు ఉన్నాయి. చర్చిలోని రంగు అద్దాలపై క్రీస్తు జీవిత చరిత్రకు సంబంధించిన చిత్రాలు, ఇతర ఆకృతులు చిత్రించబడ్డాయి.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
