కె. విజయ భాస్కర్

కుంభకోణం విజయ భాస్కర్ తెలుగు సినిమా దర్శకుడు. ప్రార్థన ఆయన మొట్టమొదటి సినిమా. నువ్వే కావాలి సినిమాతో మంచి విజయాన్ని సాధించాడు. ఈ సినిమాకు తెలుగులో ఉత్తమ చిత్రంగా జాతీయ పురస్కారం దక్కింది. ఆయన దర్శకత్వం వహించిన చాలా సినిమాలకు త్రివిక్రమ్ శ్రీనివాస్ రచయితగా పనిచేశాడు. ఆయన సినిమాలు చాలా వరకు హాస్య ప్రధానంగా సాగుతాయి.

కె. విజయ భాస్కర్
జననం	అవనిగడ్డ, కృష్ణా జిల్లా, ఆంధ్ర ప్రదేశ్ , భారతదేశం
వృత్తి	దర్శకుడు
క్రియాశీల సంవత్సరాలు	1991–ప్రస్తుతం

బాల్యం, విద్యాభ్యాసం

ఆయన స్వస్థలం కృష్ణా జిల్లా అవనిగడ్డ. ఆయన పదో సంవత్సరంలో కోరుకొండ సైనిక్ స్కూల్లో చేరాడు. ^[1] చిన్నప్పటి నుంచే ఆయనకు సినిమాలంటే ఆసక్తి ఉండేది. 1979లో ఇండియన్ ఎయిర్ ఫోర్స్ లో చేరి అక్కడే ఏడేళ్ళపాటు పనిచేశాడు.

సినిమాలు

సంవత్సరం	పేరు	భాష	గమనికలు
1991	ప్రార్థన	తెలుగు
1999	స్వయంవరం	తెలుగు
2000	నువ్వే కావాలి	తెలుగు	నిరమ్ రీమేక్
2001	నువ్వు నాకు నచ్చావ్	తెలుగు
2002	మన్మధుడు	తెలుగు
2003	తుఝే మేరీ కసమ్	హిందీ	నిరమ్ రీమేక్
2004	మల్లీశ్వరి	తెలుగు
2005	జై చిరంజీవ	తెలుగు
2007	క్లాస్‌మేట్స్	తెలుగు	క్లాస్‌మేట్స్ రీమేక్
2008	భలే దొంగలు	తెలుగు	బంటీ ఔర్ బబ్లీకి రీమేక్
2011	ప్రేమ కావాలి	తెలుగు
2013	మసాలా	తెలుగు	బోల్ బచ్చన్ రీమేక్
2023	జిలేబి	తెలుగు
2024	ఉషా పరిణయం	తెలుగు	[2][3]

పురస్కారాలు

• భారత జాతీయ చలనచిత్ర పురస్కారాలు , తెలుగు సినిమా - 2000^[4]
• ఫిలింఫేర్ ఉత్తమ దర్శకుడు - నువ్వే కావాలి (2000)