రాండోర్ గై (1937, నవంబరు 8 - 2023, ఏప్రిల్ 23), తమిళనాడుకు చెందిన న్యాయవాది, కాలమిస్ట్, సినిమా రచయిత,[1] ఆంగ్ల భాషా వార్తాపత్రిక ది హిందూతో అనుబంధమున్న న్యాయ చరిత్రకారుడు.[2][3] ది హిందూలో ప్రచురించబడిన "బ్లాస్ట్ ఫ్రమ్ ది పాస్ట్" అనే వీక్లీ కాలమ్‌కి అధికారిక సంపాదకుడిగా కూడా పనిచేశాడు. ఇతని అసలు పేరు మాడభూషి రంగదొరై,[3][4] రాండోర్ గై అనేది అతని కలం పేరు.[5]
రాండోర్ గై | |
|---|---|
| జననం | మాడభూషి రంగదొరై 1937 నవంబరు 8 |
| మరణం | 2023 ఏప్రిల్ 23 (వయసు 85) |
| వృత్తి | న్యాయవాది, కాలమిస్ట్, సినిమా రచయిత |
జననం, విద్య
రాండోర్ గై 1937, నవంబరు 8న జన్మించాడు.[6][7] అతను మద్రాస్ విశ్వవిద్యాలయం[8] నుండి బిఎస్సీ, బిఎల్ లో పట్టభద్రుడయ్యాడు.
తొలి జీవితం
న్యాయవాదిగా తన వృత్తిని ప్రారంభించాడు.[8][9] కొద్దికాలంపాటు న్యాయవాదిగా ప్రాక్టీస్ చేసిన తర్వాత, తన ఉద్యోగాన్ని విడిచిపెట్టి, ప్యాటర్సన్ అండ్ కో అనే సంస్థలో చేరి, అక్కడ ఐదు సంవత్సరాలు పనిచేశాడు. పూర్తిస్థాయి రచయితగా ఉండడంకోసం 1976లో రాజీనామా చేశాడు.
సినిమాలు
ప్రారంభంలో కొన్ని డాక్యుమెంటరీలు, సినిమాలకు స్క్రీన్‌ప్లే రాశాడు. కొన్ని ప్రకటనలకు నిర్మాతగా వ్యవహరించాడు.[9] 1999లో హాలీవుడ్ ఫిల్మ్ కంపెనీ కోసం టేల్స్ ఆఫ్ ది కామ సూత్ర: ది పెర్ఫ్యూమ్డ్ గార్డెన్ పేరుతో ఆంగ్లంలో 100 నిమిషాల సినిమాకు స్క్రిప్ట్ రాశాడు, దీనికి జగ్ ముంధ్రా దర్శకత్వం వహించాడు.[8] ఆ తర్వాత ఇది హిందీ, తమిళం, తెలుగు భాషల్లోకి బ్రహ్మచారి పేరుతో డబ్ చేయబడింది.[4][8] తరువాత సినిమాటోగ్రాఫర్ అశోక్ కుమార్‌తో కలిసి తన త్రిభాషా సినిమా కామ (1999)లో పనిచేశాడు. తను వ్రాసిన బెస్ట్ సెల్లింగ్ క్రైమ్ నవల ఆధారంగా ప్యారడైజ్ పీక్ అనే సింహళీస్ సినిమాను రాశాడు.[8] నటి నమిత నటించిన కామసూత్ర నైట్స్: మాయ అనే సినిమాకు రాశాడు.[10] ఇంగ్లీషులో నమిత నటించిన తొలి చిత్రం మాయ. [10]
అవార్డులు, సత్కారాలు
2007 నవంబరు 12న కళలు, సంస్కృతికి అంకితమైన పత్రిక సముద్ర ఐదవ వార్షికోత్సవం సందర్భంగా జరిగిన కార్యక్రమంలో కళారంగాలకు ఇతను చేసిన సేవలకు గుర్తింపుగా జ్ఞాన సముద్రం అవార్డును ప్రదానం చేశారు.[11]
పుస్తకాలు
- వైట్ ది బ్రేకర్స్ రోర్డు. 1967. (ఫిక్షన్)
- భారతీయ రిబాల్డ్రీ. C. E. టటిల్ కో. 1970. ISBN 0-8048-0906-2.
- ఛాయా. 1980. (ఫిక్షన్ – తెలుగు)
- కాశీ. 1981. (ఫిక్షన్ – తెలుగు)
- మాధురి ఓరు మాదిరి. 1982. (ట్రూ క్రైమ్-తమిళం)
- బి.ఎన్. రెడ్డి: ఒక మోనోగ్రాఫ్. నేషనల్ ఫిల్మ్ ఆర్కైవ్ ఆఫ్ ఇండియా. 1985. ISBN 81-201-0003-4.
- ఎ హిస్టరీ ఆఫ్ తమిళ సినిమా. 1991. (సినిమా చరిత్ర – తమిళనాడు ప్రభుత్వం)
- స్టార్‌లైట్, స్టార్‌బ్రైట్: ది ఎర్లీ తమిళ సినిమా. ఆమ్రా పబ్లిషర్స్. 1997.
- మర్డర్ ఫర్ ప్లెజర్. 1972. (ఫిక్షన్)[15]
- చితాలే (జీవిత చరిత్ర)
- మాన్సూన్. 1997.(భారతదేశంలో చిత్రీకరించబడిన హాలీవుడ్ సినిమా నవలీకరణ)
మరణం
అతడు తన 85 సంవత్సరాల వయస్సులో 2023, ఏప్రిల్ 23న మరణించాడు.[12][13][14]
మూలాలు
బయటి లింకులు
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
