జ్ఞాని సాయన్న (1951, మార్చి 5 - 2023, ఫిబ్రవరి 19) తెలంగాణ రాష్ట్రానికి చెందిన రాజకీయ నాయకుడు. ప్రస్తుతం భారత్ రాష్ట్ర సమితి పార్టీ తరపున సికింద్రాబాద్ కంటోన్మెంట్ శాసనసభ నియోజకవర్గం శాసన సభ్యుడిగా ప్రాతినిధ్యం వహిస్తున్నాడు.[2]
జి. సాయన్న | |||
![]() | |||
పదవీ కాలం 1994 - 2009, 2014 - 2018, 2018- 2023 | |||
నియోజకవర్గం | సికింద్రాబాద్ కంటోన్మెంట్ శాసనసభ నియోజకవర్గం | ||
---|---|---|---|
వ్యక్తిగత వివరాలు |
|||
జననం | మార్చి 5, 1951 చిక్కడపల్లి, హైదరాబాదు, తెలంగాణ | ||
మరణం | 2023 ఫిబ్రవరి 19 71) హైదరాబాదు | (వయసు||
రాజకీయ పార్టీ | భారత్ రాష్ట్ర సమితి | ||
తల్లిదండ్రులు | సాయన్న - భూదేవి | ||
జీవిత భాగస్వామి | గీత | ||
సంతానం | 3 కుమార్తెలు, (లాస్య నందిత[1], నివేదిత, నమ్రత) | ||
నివాసం | గృహలక్ష్మి కాలనీ, కార్ఖానా, సికింద్రాబాద్, తెలంగాణ |
సాయన్న 1951, మార్చి 5న సాయన్న - భూదేవి దంపతులకు తెలంగాణ రాష్ట్రం హైదరాబాదులోని చిక్కడపల్లిలో జన్మించాడు. 1981లో ఉస్మానియా విశ్వవిద్యాలయం నుండి డిగ్రీ (బిఎస్సీ), 1984లో ఎల్.ఎల్.బి. పూర్తిచేశాడు.[3]
సాయన్నకు గీతతో వివాహం జరిగింది. వారికి 3 కుమార్తెలు, 1 కుమారుడు ఉన్నారు.
సాయన్న తెలుగుదేశం పార్టీతో తన రాజకీయ జీవితాన్ని ప్రారంభించాడు. ఉమ్మడి ఆంధ్రప్రదేశ్ రాష్ట్రంలో 1994 నుండి 2009 వరకు మూడుసార్లు తెలుగుదేశం పార్టీ తరపున సికింద్రాబాద్ కంటోన్మెంట్ శాసనసభ నియోజకవర్గం నుండి ఎమ్మెల్యేగా ఎన్నికయ్యాడు. 2009లో జరిగిన ఎన్నికల్లో ఓడిపోయాడు. తెలంగాణ రాష్ట్రం ఏర్పడిన తరువాత 2014లో జరిగిన తెలంగాణ సార్వత్రిక ఎన్నికల్లో భాగంగా తెలుగుదేశం పార్టీ అభ్యర్థిగా పోటీచేసి సమీప తెలంగాణ రాష్ట్ర సమితి పార్టీ అభ్యర్థి గజ్జెల నగేష్ పై 3275 ఓట్ల మెజారిటీ తో గెలుపొందాడు.[4] ఆయన 2015లో తిరుమల తిరుపతి దేవస్థానం (టీటీడీ) పాలకమండలి సభ్యుడిగా నియమితుడయ్యాడు.[5] తరువాత టిఆర్ఎస్ పార్టీలో చేరాడు. 2018లో జరిగిన తెలంగాణ ముందస్తు ఎన్నికల్లో తెలంగాణ రాష్ట్ర సమితి పార్టీ పై పోటీ చేసి సమీప కాంగ్రెస్ పార్టీ అభ్యర్థి సర్వే సత్యనారాయణ పై 37,568 ఓట్ల మెజారిటీతో గెలుపొందాడు.[6]
- ఆరుసార్లు హుడా (హైదరాబాద్ అర్బన్ డెవలప్మెంట్ అథారిటీ) డైరెక్టర్
- ఆంధ్రప్రదేశ్ శాసనసభ వీధి బాలల పునరావాసంపై హౌస్ కమిటీ చైర్మన్
- హెచ్సి చైల్డ్ ట్రాఫికింగ్ ఆంధ్రప్రదేశ్
చైనా, హాంకాంగ్, మలేషియా, సింగపూర్, దక్షిణ కొరియా, అమెరికా సంయుక్త రాష్ట్రాలు దేశాలు సందర్శించాడు.
కొంతకాలంగా అనారోగ్యంతో బాధపడుతున్న సాయన్న 2023, ఫిబ్రవరి 19న హైదరాబాదులోని ఓ ఆసుపత్రిలో చికిత్స పొందుతూ తుది శ్వాస విడిచాడు.[7][8]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.