అచ్చంపేట రెవెన్యూ డివిజను

అచ్చంపేట రెవెన్యూ డివిజను, అనేది తెలంగాణ రాష్ట్రం, నాగర్‌కర్నూల్ జిల్లాలో ఉన్న ఒక పరిపాలనా విభాగం. నాగర్‌కర్నూల్ జిల్లాలోని 4 రెవెన్యూ డివిజన్లలో ఇది ఒకటి. దీని పరిపాలనలో 6 మండలాలు ఉన్నాయి.^[1] ఈ డివిజను ప్రధాన కార్యాలయం అచ్చంపేట పట్టణంలో ఉంది.^[2] 2016, అక్టోబరు 11న రాష్ట్రంలోని జిల్లాల పునర్వ్యవస్థీకరణ ఆధారంగా రెవెన్యూ డివిజను పరిధి సవరించబడింది.^[3] ఇది నాగర్‌కర్నూల్ లోక్‌సభ నియోజకవర్గంలోని అచ్చంపేట శాసనసభ నియోజకవర్గం పరిధిలో ఉంది.

అచ్చంపేట రెవెన్యూ డివిజను
దేశం	భారతదేశం
రాష్ట్రం	తెలంగాణ
జిల్లా	నాగర్‌కర్నూల్

వివరాలు

ఐఏఎస్ క్యాడర్‌లో సబ్ కలెక్టర్ లేదా డిప్యూటి కలెక్టర్ హోదాలో ఉన్న రెవెన్యూ డివిజనల్ అధికారి ఈ రెవెన్యూ విభాగానికి ఆఫీసర్ గా ఉంటాడు. తహశీల్దార్ కేడర్‌లోని అడ్మినిస్ట్రేటివ్ ఆఫీసర్ పరిపాలనలో సహాయం చేస్తాడు. కలెక్టరేట్‌, మండల రెవెన్యూ విభాగాల మధ్య అనుసంధానంగా ఈ డివిజను పరిపాలనా వ్యవహారాలలో పనిచేస్తుంటుంది.^[4]

పరిపాలన

అచ్చంపేట డివిజన్‌లోని మండలాలు:^[5]

క్ర.సం	అచ్చంపేట రెవెన్యూ డివిజను	మండలంలోని రెవెన్యూ గ్రామాల సంఖ్య
1	అచ్చంపేట మండలం	22 రెవెన్యూ గ్రామాలు
2	అమ్రాబాద్ మండలం	8 రెవెన్యూ గ్రామాలు
3	పదర మండలం	7 రెవెన్యూ గ్రామాలు
4	బల్మూర్ మండలం	21 రెవెన్యూ గ్రామాలు (2 నిర్జన గ్రామాలు)
5	లింగాల మండలం	18 రెవెన్యూ గ్రామాలు (2 నిర్జన గ్రామాలు)
6	ఉప్పునుంతల మండలం	22 రెవెన్యూ గ్రామాలు (2 నిర్జన గ్రామాలు)