From Wikipedia, the free encyclopedia
స్త్రీ లైంగికత (ఆంగ్లం: Human Female Sexuality) స్త్రీల లైంగిక ప్రవర్తన, లైంగికత గుర్తింపు/లైంగికత దిశ, శారీరక/మానసిక/సాంఘిక/సాంస్కృతిక/ రాజకీయ/ఆధ్యాత్మిక/మతసంబంధ ప్రక్రియల వంటి అనేకానేక విషయాలతో కూడుకొన్న అతి విస్తారమైన అంశం. స్త్రీ లైంగికతను చర్చిస్తే, నైతిక విలువలు, సౌశీల్యం, వేదాంతాలను చర్చించవలసి వస్తుంది. చరిత్రలోని దాదాపు అన్ని శకాలలో, సాహిత్య దృశ్యకళలలో, సంస్కృతులలో సంఘం మానవ లైంగికతను ప్రస్తావించినపుడు ప్రత్యక్షంగానో, పరోక్షంగానో ఆ ప్రస్తావనలో స్త్రీ లైంగికత నిగూఢమై ఉంటుంది.
చాలా మటుకు సంఘాలలో, న్యాయ పరిధులలో స్త్రీ యొక్క లైంగిక ప్రవర్తన ఏ విధంగా ఊండాలి అన్న వాటిపై పరిమితులున్నాయి. సాంస్కృతికంగా, ప్రాదేశికంగా, చారిత్రకంగా లైంగికత యొక్క నిర్వచనం మారుతూ ఉన్నది. దీని వలన స్త్రీ లైంగికత యొక్క అర్థం కూడా మారుతూ వస్తోన్నది. శారీరక సంబంధాలు, శరీరాకృతి, ఆత్మ గౌరవం, వ్యక్తిత్వం, విలువలు, వైఖరులు, లైంగిక పాత్రలు, సంబంధ బాంధవ్యాలు, భావప్రకటన స్త్రీ లైంగికతను ప్రభావితం చేస్తాయి.
భూమిపై ప్రకృతిగా అవతరించిన ఆది పరాశక్తి పరబ్రహ్మ స్వరూపం. పరమసత్య స్వరూపం. సృష్టి యొక్క మూల సృష్టికర్త, పరిరక్షకురాలు, వినాశకారి. ఆది పరాశక్తే అఖండ సత్యం. ఈ శక్తి దానికై అదే సంపూర్ణం. ఈ జగత్తుకు శివుడిని పురుషుని రూపంలో ఆహ్వానించటానికి తాను స్త్రీ రూపంలో జన్మనెత్తినది. భూభాగం పై ఆది పరాశక్తి ప్రాథమికంగా ఫలవంతమైన స్త్రీ స్వరూపంలో అవతరించిననూ పురుషావతారంలోనూ ఆ శక్తి నిగూఢంగా దాగి ఉన్నది. సాక్షాత్ పరమశివుడి స్త్రీ రూపమే ఆది పరాశక్తిగా, ఈ రూపమే మహాదేవిగా, పార్వతీ దేవిగా గుర్తింపబడుతోంది.
శివుడి మూర్తీభవించిన రూపమే కాలగతికి చిహ్నం. ఆది పరాశక్తి యొక్క శక్తితో శివుడిలో చలనము కలుగుతుంది. ఈ శక్తితోనే శివుడు విశ్వవినాశనానికి, దాని పునర్నిర్మాణానికి కారకుడౌతాడు. మహాశక్తియే శివుడి భార్య.
స్త్రీ లైంగికత గురించి భారతదేశం, జపాన్, చైనా వంటి ప్రాచీన నాగరికతలలో కామసూత్ర, తంత్ర దర్శనము వంటి వాటిలో విస్తారంగా చర్చించబడినది. చరిత్ర అంతటిలోనూ స్త్రీ లైంగికత, పురుష లైంగికతకు అధీనమైనదిగా వర్ణింపబడినది. స్త్రీ ప్రవర్తన పై ఉండే పరిమితులే స్త్రీ లైంగికతను నియంత్రించేవిగా పరిగణించబడినవి. సాంప్రదాయిక, సాంస్కృతిక పద్ధతులు స్త్రీ లైంగికతకు వినమ్రత, పవిత్రతలను ఆపాదించాయి. ఈ విషయాలలో పురుష లైంగికతను మినహాయించాయి.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.