![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/db/Sri_Mariamman_Temple_Singapore_3_amk.jpg/640px-Sri_Mariamman_Temple_Singapore_3_amk.jpg&w=640&q=50)
సింగపూర్లో హిందూమతం
From Wikipedia, the free encyclopedia
సింగపూర్లో హిందూ మతం, సంస్కృతి సా.శ. 7వ శతాబ్దంలో టెమాసెక్ హిందూ-బౌద్ధ శ్రీవిజయ సామ్రాజ్యానికి వ్యాపార స్థావరంగా ఉన్నప్పటి నుండి ఉందని గుర్తించవచ్చు. ఒక సహస్రాబ్ది తరువాత, బ్రిటిష్ ఈస్ట్ ఇండియా కంపెనీ, వలస బ్రిటీష్ సామ్రాజ్యాలు దక్షిణ భారతదేశం నుండి అనేక మంది వలసదారులు సింగపూర్కు కూలీలుగాను, ఒప్పంద కార్మికులు గానూ తీసుకువచ్చాయి. మలయ్ ద్వీపకల్పంలో లాగానే, బ్రిటిష్ పరిపాలకులు దాని ప్రాంతీయ తోటల పెంపకంలోను, వ్యాపార కార్యకలాపాలలోనూ నమ్మకమైన శ్రామిక శక్తిని స్థిరీకరించడానికి ప్రయత్నించింది; కంగానీ వలస వ్యవస్థ ద్వారా హిందువులు కుటుంబాన్ని తీసుకురావడం, స్థిరపడడం, దేవాలయాలను నిర్మించడం చేసి ఒక సమాజంగా ఏర్పడ్డారు. అదే తరువాత లిటిల్ ఇండియాగా మారింది.
![Thumb image](http://upload.wikimedia.org/wikipedia/commons/thumb/d/db/Sri_Mariamman_Temple_Singapore_3_amk.jpg/640px-Sri_Mariamman_Temple_Singapore_3_amk.jpg)
ప్రస్తుతం సింగపూర్లో దాదాపు ముప్పై ప్రధాన హిందూ దేవాలయాలు ఉన్నాయి. 2020 జనాభా లెక్కల ప్రకారం సింగపూర్లో 1,72,963 మంది హిందువులు ఉన్నారని అంచనా వేసాఉ., ఇది సింగపూర్ జనాభాలో 5.0%.[1][2][3] సింగపూర్లో ఉన్న హిందువులు దాదాపు అందరూ జాతిపరంగా భారతీయులే (99%). వీరిలో కొందరు హిందూ కుటుంబాలలో పెళ్ళిళ్ళు చేసుకున్నారు. 1931లో హిందూమతస్థులు మొత్తం జనాభాలో 5.5%కి చేరుకున్నారు [4]
సింగపూర్లో, హిందువుల పండుగ దీపావళిని జాతీయ ప్రభుత్వ సెలవుదినంగా గుర్తిస్తారు. కొంతమంది భారతీయేతరులు, సాధారణంగా బౌద్ధ చైనీయులు, వివిధ హిందూ కార్యక్రమాలలో పాల్గొంటారు. మలేషియా, ఇండోనేషియాల్లోని వివిధ రాష్ట్రాల మాదిరిగా కాకుండా, సింగపూర్లో హిందువుల మత స్వేచ్ఛపై ఎటువంటి ఆంక్షలు లేవు.