![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8d/Manasi_Pradhan.jpg/640px-Manasi_Pradhan.jpg&w=640&q=50)
మానసీ ప్రధాన్
భారతీయ రచయిత్రి మరియు ఉద్యమకారిణి / From Wikipedia, the free encyclopedia
మానసీ ప్రధాన్ (Manasi Pradhan) (జననం 1962 అక్టోబరు 4), భారతీయ మహిళల హక్కుల పోరాట కార్యకర్త, స్త్రీవాద రచయిత్రి, కవయిత్రి. మహిళా హక్కుల ఉద్యమకర్తగా ఆమె ప్రపంచవ్యాప్తంగా ప్రసిద్ధి చెందింది. భారతదేశంలో స్త్రీలపై హింసకు వ్యతిరేకంగా హానర్ ఫర్ ఉమెన్ నేషనల్ క్యాంపైన్ పేరుతో దేశవ్యాప్త ఉద్యమం నడుపుతోంది.[1][2][3][4][5][6][7] 2014లో, భారత రాష్ట్రపతి చేతుల మీదుగా ఆమె, రాణీ లక్ష్మీబాయ్ నారీశక్తి పురస్కారం (2013, భారత ప్రభుత్వ మహిళా, శిశు అభివృద్ధి మంత్రిత్వ శాఖ ద్వారా) అందుకుంది. ఈ పురస్కారాన్ని మిషనరీస్ ఆఫ్ చారిటీ ప్రపంచవ్యాప్త అధ్యక్షురాలు మేరీ ప్రేమా పైరిక్ తో కలసి అందుకుంది. 2011లో, ఔట్ స్టాండింగ్ ఉమెన్ పురస్కారం కూడా అందుకుంది.[8][9][10][11]
మానసీ ప్రధాన్ | |
---|---|
![]() | |
జననం | (1962-10-04) 1962 అక్టోబరు 4 (వయసు 61) బనాపూర్, ఖోర్ధా జిల్లా, ఒడిషా |
జాతీయత | భారతీయురాలు |
విద్య | ఒడియా సాహిత్యంలో ఎం.ఎ, ఎల్.ఎల్.బి |
విద్యాసంస్థ | ఉత్కళ్ విశ్వవిద్యాలయం, జి.ఎం న్యాయవిద్యా కళాశాల, పూరి (ఒరిస్సా) |
వృత్తి | మహిళల హక్కుల పోరాట కార్యకర్త, రచయిత్రి, కవయిత్రి |
నిర్భయ వాహిని, ఒ.వై.ఎస్.ఎస్ ఉమెన్, నిర్భయ సమరోహ్ | |
గుర్తించదగిన సేవలు | ఉర్మి-ఒ-ఉచ్చ్వాస్, అక్ష దీప, స్వాగతిక |
ఉద్యమం | హానర్ ఫర్ ఉమెన్ నేషనల్ క్యాంపైన్ |
పురస్కారాలు | శ్రీ శక్తి పురస్కార్(2013), ఔట్ స్టాండింగ్ ఉమెన్ పురస్కారం(2011) |
మానసీ, 21వ శతాబ్దపు ప్రపంచవ్యాప్త స్త్రీవాద ఉద్యమాలకు మార్గదర్శకురాలిగా ప్రాచుర్యం పొందింది.[12][13][14][15] ప్రతిష్ఠాత్మక అంతర్జాతీయ ప్రచురణ సంస్థలు ప్రచురించే ప్రపంచ టాప్ సామాజిక ఉద్యమ కార్యకర్తలు, రచయిత్రుల జాబితాల్లో తరచుగా ఆమె పేరు ఉంటూ ఉంటుంది. 2016లో, న్యూయార్క్ కు చెందిన బస్టల్ అనే పత్రిక ఆమె పేరును 20 అత్యంత స్ఫూర్తిదాయక స్త్రీవాదులు, ఉద్యమకారుల జాబితాలో నోబెల్ బహుమతి పొందిన షిరిన్ ఎబదీ, రిగొబెర్టా మెంచూ, మలాలా యూసఫ్జాయ్, బెట్టీ ఫ్రైడన్, నయోమి క్లైన్, అంగెలా డావిస్, కేట్ మిల్లెట్, గ్లోరియా స్టైనెం ల సరసన ప్రచురించింది.[16] 2017లో, లాస్ ఏంజలెస్ కు చెందిన వల్కెర్ మీడియా 12 అత్యంత శక్తివంతమైన స్త్రీవాద చేంజ్ మేకర్స్ జాబితాలో ఈమె పేరు చేర్చడం విశేషం.[17]
ఆమె నిర్భయ వాహిని, నిర్భయ సమరోహ్, ఒ.వై.ఎస్.ఎస్ ఉమెన్ వంటి సంస్థలను స్థాపించింది.[18][19] ఆమె భారత సెన్సార్ బోర్డులో కూడా పనిచేసింది.[20] జాతీయ మహిళా కమిషన్ లో విచారణ కమిటీలో కూడా ఆమె సభ్యురాలు.[21][22][23][24]