![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/28/Mahajanapadas_%2528c._500_BCE%2529.png/640px-Mahajanapadas_%2528c._500_BCE%2529.png&w=640&q=50)
మహా జనపదాలు
From Wikipedia, the free encyclopedia
ప్రాచీన భారతదేశంలో క్రీస్తుపూర్వం ఆరు నుండి ఐదవ శతాబ్దం వరకు విలసిల్లిన 16 రాజ్యాలను మహాజనపదాలు అంటారు. వాటిలో రెండు గణతంత్రాలు కాగా, మిగతా వాటిలో రాచరికం ఉండేది. అంగుత్తార నికాయ [1] వంటి పురాతన బౌద్ధ గ్రంథాలు పదహారు గొప్ప రాజ్యాలు, గణతంత్ర రాజ్యాల గురించి ప్రస్తావిస్తాయి. ఇవి భారతదేశంలో బౌద్ధమతం విస్తరించడానికి ముందు,[2] భారత ఉపఖండంలో వాయవ్యంలోని గాంధార నుండి తూర్పున ఉన్న అంగ వరకు విస్తరించి ఉన్న ప్రాంతంలో అభివృద్ధి చెందాయి. వింధ్య పర్వతాలకు ఆవల ఉన్న ప్రాంతాలు కూడా వీటిలో భాగంగా ఉన్నాయి.[3]
महाजनपद | |||||||||||
---|---|---|---|---|---|---|---|---|---|---|---|
c. 600 క్రీ.పూ.–c. 300 క్రీ.పూ. | |||||||||||
![]() 16 మహాజనపదాల పటము | |||||||||||
సామాన్య భాషలు | సంస్కృతం | ||||||||||
మతం | ఇతిహాస సనాతన ధర్మం బౌద్ధమతము జైనమతము | ||||||||||
ప్రభుత్వం | గణతంత్రం రాచరికం | ||||||||||
చారిత్రిక కాలం | ఇనుప యుగ భారతదేశం | ||||||||||
• స్థాపన | c. 600 క్రీ.పూ. | ||||||||||
• పతనం | c. 300 క్రీ.పూ. | ||||||||||
|
![Thumb image](http://upload.wikimedia.org/wikipedia/commons/thumb/f/ff/Ancient_india.png/640px-Ancient_india.png)
క్రీస్తుపూర్వం 6 వ -5 వ శతాబ్దాలను భారతీయ ప్రారంభ చరిత్ర తొలినాళ్ళలో ఒక ప్రధానమైన మలుపుగా పరిగణిస్తారు; సింధు లోయ నాగరికత నశించిన తరువాత భారతదేశంలో మొట్టమొదటి పెద్ద నగరాల ఆవిర్భావం, అలాగే వేద కాలం నాటి సనాతన ధర్మాన్ని సవాలు చేసే శ్రమణ ఉద్యమాలు (బౌద్ధమతం జైన మతాలతో సహా) పెరిగాయి.
పురావస్తు పరంగా, ఈ కాలం నార్తరన్ బ్లాక్ పాలిష్ వేర్ సంస్కృతికి అనుగుణంగా ఉంటుంది.[4]