మల్లికా షెరావత్ (జననం 1976 అక్టోబరు 24) హిందీ భాషా చిత్రాలలో ప్రధానంగా పనిచేసే భారతీయ నటి. షెరావత్ 1976 అక్టోబరు 24 న హర్యానాలోని హిసార్ జిల్లాలోని ఒక చిన్న గ్రామం, మోథ్ లో జాట్ కుటుంబంలో జన్మించింది. మల్లికా తండ్రి ముఖేష్ కుమార్ లాంబా. వారిది సేట్ చాజూరాం అనే ప్రముఖ పరోపకారి జాట్ కుటుంబం. [1] పుట్టినపుడు ఆమెకు పెట్టిన పేరు రీమా లాంబా.. [2] రీమా అనే పేరున్న ఇతర నటీమణులతో గందరగోళాన్ని నివారించడానికి ఆమె "మల్లికా" అనే తెర పేరును పెట్తుకుంది. [3] "షెరావత్" అనేది ఆమె తల్లి పుట్టింటి వారి ఇంటి పేరు. తన తల్లి తనకిచ్చిన మద్దతు కారణంగా తల్లి పేరును ఉపయోగిస్తున్నానని ఆమె చెప్పింది. [3]
| మల్లికా శెరావత్ | |
 కాన్ చిత్రోత్సవంలో మల్లికా శెరావత్ | |
| జన్మ నామం | రీమా లాంబా |
| జననం | 1976 అక్టోబరు 24 |
| భార్య/భర్త | కరణ్ సింగ్ గిల్ |
షెరావత్ మధుర రోడ్ లోని ఢిల్లీ పబ్లిక్ స్కూల్ లో చదువుకుంది. ఢిల్లీ విశ్వవిద్యాలయం, మిరాండా హౌస్ నుండి తత్వశాస్త్రంలో డిగ్రీ పొందింది. [4] తాను చాలా సాంప్రదాయికమైన కుటుంబానికి చెందినదాన్నని, తన వృత్తిని కొనసాగించడంలో కుటుంబం నుండి చాలా అడ్డంకులను ఎదుర్కొన్నాననీ ఆమె పేర్కొంది. [5] అయితే అది, బాలీవుడ్లో పెద్దదాన్నవడం కోసం, ఓ ధైర్యవంతురాలైన అమ్మాయిగా కనిపించేందుకు ఆమె సృష్టించిన కథని షెరావత్ కుటుంబం దాన్ని ఖండించింది. [6]
1997 లో ఎయిర్ హోస్టెస్‌గా పనిచేసే సమయంలో మల్లిక, ధిల్లీకి చెందిన పైలట్ కరణ్ సింగ్ గిల్‌ను వివాహం చేసుకుంది. నాలుగేళ్ల తరువాత, బాలీవుడ్లో పని చేయడానికి ఆమె విడాకులు తీసుకుంది. [7] [8] విడాకులైందన్న సంగతి బాలీవుడ్లో తన పెరుగుదలను అడ్డుకుంటుంది కాబట్టి, ఆమె తనకు పెళ్ళైందన్న సంగతిని దాచిపెట్టింది. [7]
ఆమె చిత్ర పరిశ్రమలోకి ప్రవేశించినప్పుడు ఆమె కుటుంబంతో సంబంధాలు దెబ్బతిన్నప్పటికీ, [9] షెరావత్ కుటుంబం ఇప్పుడు ఆమె కెరీర్ ఎంపికతో సమాధానపడింది. వారు, షెరావత్ రాజీ పడ్డారు. [10]
ఖ్వాహిష్ (2003), మర్డర్ (2004) వంటి చిత్రాలలో ఆమె ప్రదర్శించిన తెగువకు ప్రసిద్ధి చెందింది. [11] షెరావత్ తనను తాను సెక్స్ సింబల్‌గా, బాలీవుడ్లో అత్యంత ప్రాచుర్యం పొందిన ప్రముఖులలో ఒకరిగా స్థాన్ం సంపాదించుకుంది. [12] ఆమె ప్యార్ కే సైడ్ ఎఫెక్ట్స్ (2006) అనే విజయవంతమైన రొమాంటిక్ కామెడీ సినిమాలో కనిపించింది, ఈ సినిమాలో నటనకు ఆమె చాలా విమర్శకుల ప్రశంసలను అందుకుంది.
అప్పటి నుండి, ఆమె ఆప్ కా సురూర్, వెల్కమ్ (రెండూ 2007), డబుల్ ధమాల్ (2011) వంటి విజయవంతమైన చిత్రాల్లో నటించింది. వెల్కమ్ ఇప్పటివరకు ఆమె సాధించిన అతిపెద్ద వాణిజ్య విజయం. హిస్స్ (2010), పాలిటిక్స్ ఆఫ్ లవ్ (2011) వంటి చిత్రాలతో హాలీవుడ్‌లోకి వెళ్ళడానికి ప్రయత్నిస్తోంది. [13] [14]
మూలాలు
బయటి లింకులు
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
