బర్ధమాన్
From Wikipedia, the free encyclopedia
From Wikipedia, the free encyclopedia
బర్ధమాన్, భారతదేశం, పశ్చిమ బెంగాల్ రాష్ట్రంలోని ఒక నగరం. ఇది పురపాలిక పట్టణం. బ్రిటీష్ పాలనలో పూర్వ బర్దమాన్ జిల్లాకు రాజధాని, కొత్తగా ఏర్పడిన ప్రస్తుత పుర్బా బర్ధమాన్ జిల్లా ప్రధానకార్యాలయం. నగరానికి ప్రత్యామ్నాయ పేరు బుర్ద్వాన్ అప్పటి నుండి వాడుకలో ఉంది.
Bardhaman
Burdwan | |
---|---|
City | |
Nickname: Royal Heritage City of West Bengal | |
Coordinates: 23°14′N 87°52′E | |
Country | India |
రాష్ట్రం | West Bengal |
జిల్లా | Purba Bardhaman |
Government | |
• Type | Municipality |
• Body |
|
• Chairman | Paresh Chandra Sarkar[1] |
• Vidhan Sabha MLA | No. 260 Bardhaman Dakshin: Khokan Das (AITC) |
• Lok Sabha MP | No. 39 Bardhaman–Durgapur: S. S. Ahluwalia (BJP) |
విస్తీర్ణం | |
• City | 26.30 కి.మీ2 (10.15 చ. మై) |
• Metro | 157.62 కి.మీ2 (60.86 చ. మై) |
Elevation | 30 మీ (100 అ.) |
జనాభా (2011)[4] | |
• City | 3,47,016 |
• జనసాంద్రత | 13,000/కి.మీ2 (34,000/చ. మై.) |
• Metro | 4,07,000 |
Languages | |
• Official | Bengali[5][6] |
• Additional official | English[6] |
Time zone | UTC+5:30 (భా.ప్రా.కా) |
పిన్ కోడ్ | 713101, 713102, 713103, 713104 713141,713149. |
Telephone code | +91-342 |
Vehicle registration | WB-42 |
ఈ పేరు మూలం సా.శ. పూర్వం ఆరవ శతాబ్దానికి చెందినట్లుగా తెలుస్తుంది. జైన మత 24వ తీర్థంకారుడైన వర్ధమాన లేదా మహావీర (బిసిఇ 599-527)కి ఆపాదించబడింది, అతను జైనగ్రంథం కల్పసూత్రం ప్రకారం, ఆస్తికా గ్రామంలో కొంతకాలం గడిపాడు. అతని గౌరవార్థం ఈ ప్రదేశానికి వర్ధమాన్ అనేపేరువచ్చింది.
ఈ నగరానికి జహంగీర్ కాలంలో ఈ ప్రదేశానికి బధ్-ఏ-దివాన్ (జిల్లా రాజధాని) అని పేరు పెట్టారు. దిగువ బెంగాల్లోని ప్రధాన కులీనులైన బుర్ద్వాన్ మహారాజుల ప్రధాన కార్యాలయంగా దాని చారిత్రక ప్రాముఖ్యతను కలిగిఉంది. 1657లో బర్ధమాన్ రాజ్ పంజాబ్లోని లాహోర్లోని కోట్లి హిందూ ఖత్రీ కుటుంబానికి చెందిన సంగమ్ రాయ్ చేత స్థాపించబడింది. అతని వారసులు మొఘల్ చక్రవర్తులు బ్రిటిష్ ప్రభుత్వంలో పనిచేశారు.
మహతాబ్ చంద్ బహదూర్, తరువాత బిజోయ్ చంద్ మహతాబ్ ఈ ప్రాంతాన్ని సాంస్కృతికంగా, ఆర్థికంగా, పర్యావరణపరంగా ఆరోగ్యంగా మార్చడానికి తమ వంతు కృషి చేశారు. ప్రధాన విద్యాసంస్థ బుర్ద్వాన్ రాజ్ కళాశాల, ఇది మహారాజా పాలన నుండి పూర్తిగా మద్దతు ఇవ్వబడింది. బతుకేశ్వర్ దత్ 1900ల ప్రారంభంలో భారతీయ విప్లవకారుడు, స్వాతంత్ర్యసమరయోధుడు 1910 నవంబరు 18న న బుర్ద్వాన్ జిల్లాలోని ఓరీ గ్రామంలో జన్మించాడు. అతను 1929 ఏప్రిల్ 8న న్యూ ఢిల్లీలోని సెంట్రల్ లెజిస్లేటివ్ అసెంబ్లీలో బాంబులు పేలిన ఘటనలో భగత్ సింగ్తో పాటు ప్రసిద్ధి చెందాడు. ఈ నగరం ఉత్తర- భారత శాస్త్రీయ సంగీతానికి ఒక ముఖ్యమైన కేంద్రం.
ఈ ప్రాంతం సముద్రమట్టానికి 40మీటర్లు (131 అడుగులు) సగటు ఎత్తులో ఉంది.ఈ నగరం న్యూ ఢిల్లీ నుండి 1100 కిమీ దూరంలో, కోల్కతాకు వాయువ్యంగా 100 కి.మీ కంటే కొంచెం తక్కువ దూరంలో తూర్పు రైల్వేవిభాగంలోఉంది. దీనికి సమీప ప్రధాన నదులు దామోదర్, బంకా.[7]
గల్సి రక్షకభట నిలయం పరిధిలోని మల్లసరుల్ గ్రామంలో కనుగొనబడిన సా,శ. ఆరవ శతాబ్దపు రాగి ఫలకంలో ఈ ప్రదేశం పేరుకు సంబంధించిన మొదటి ఎపిగ్రాఫిక్ ప్రస్తావన ఉంది. రాధ్ బెంగాల్లో ప్రధాన భాగమైన ఈ ప్రాంతం బిసిఇ 4000 నాటిదని పురావస్తు ఆధారాలు సూచిస్తున్నాయి.
బుర్ద్వాన్ రక్షకభట నిలయం అధికార పరిధిలో బర్ధమాన్ పురపాలిక ప్రాంతం, బుర్ద్వాన్ I, బుర్ద్వాన్ II సిడి బ్లాకుల ప్రాంతాలు కలిగిఉన్నాయి. దాని అధికార పరిధిప్రాంతం 192.15 కిమీ 2.బరాబజార్, మురాద్పూర్, కేశబ్గంజ్, నూతన్గంజ్, బిర్హటాలో ఔట్ పోస్టులు ఉన్నాయి.[8][9]
బుర్ద్వాన్ మహిళా రక్షకభట నిలయం పరిధిలో బర్ధమాన్ పురపాలక ప్రాంతం, బుర్ద్వాన్ I బుర్ద్వాన్ II సిడి బ్లాక్లపై అధికార పరిధిని కలిగిఉంది. దీని సేవలు అందించే అధికార పరిధి ప్రాంతం 192.15 చ.కి.మీ. ఉంది.[8][9]
బర్ధమాన్లో మతం ప్రకారం జనాభా[10] | ||||
---|---|---|---|---|
Religion | Percent | |||
హిందూ | 83.42% | |||
ఇస్లాం | 14.88% | |||
మత వివరం తెలపనివారు | 1.19% | |||
క్రైస్తవులు | 0.19% | |||
ఇతరులు | 0.32% |
సంవత్సరం | జనాభా | ±% |
---|---|---|
1951 | 76,000 | — |
1961 | 1,09,000 | +43.4% |
1971 | 1,44,000 | +32.1% |
1981 | 1,70,000 | +18.1% |
1991 | 2,46,000 | +44.7% |
2001 | 2,87,000 | +16.7% |
2011 | 3,47,016 | +20.9% |
2011 భారత జనాభా లెక్కల ప్రకారం,బర్ధమాన్ పట్టణ సముదాయం 347,016 మంది జనాభాను కలిగి ఉంది,అందులో 1,77,055 మంది పురుషులు ఉండగా, 1,69,961 మంది మహిళలు ఉన్నారు. 25,069 మంది 0–6 సంవత్సరాల మధ్య వయస్సు గలవారు ఉన్నారు. జనాభాకు సమర్థవంతమైన అక్షరాస్యతరేటు 88.62% ఉంది.[4]
గ్రాండ్ ట్రంక్ రోడ్ నగరం అంతటా నడుస్తుంది. జాతీయ రహదారి 19 (పాత నంబరు ఎన్ఎచ్ 2) నగరాన్ని దాటవేస్తుంది. పశ్చిమ బెంగాల్ రాష్ట్ర రోడ్డు రవాణా సంస్థ (ఎస్.బి.ఎస్.టి.సి), ఇతర ప్రైవేట్ ఆపరేటర్లు అరంబాగ్, అసన్సోల్, బహరంపూర్, బంకురా, బోల్పూర్, ఎస్ప్లానేడ్, కిర్నాహర్, పురూలియా, సాల్ట్లేక్, తారకేశ్వర్ నుండి బస్సులను నడుపుతున్నారు. బర్ధమాన్ చుట్టూఉన్న అనేక ప్రదేశాలతో బస్సులు ద్వారా బాగా అనుసంధానించబడి ఉంది. చాలా బస్సులు అలీషా బస్టాండ్, నబాభత్ బస్టాండ్ నుండి వచ్చి బయలుదేరుతాయి. బుర్ద్వాన్లో పట్టణ సర్వీస్ అని పిలువబడే బస్సు ద్వారా సేవలు ఉన్నాయి.ఇది నగరంలోని వివిధ ప్రాంతాలను కలుపుతుంది. సదర్ఘాట్ రోడ్ బర్ధమాన్ను బంకురా (పరోక్షంగా), హుగ్లీ (ప్రత్యక్షంగా) జిల్లాతో కలుపుతుంది.
హౌరా-ఢిల్లీ ప్రధాన రైలు ట్రాక్ బర్ధమాన్ గుండా వెళుతుంది. నగరానికి బర్ధమాన్ రైల్వే స్టేషన్ సేవలు అందిస్తుంది.హౌరారాజధాని ఎక్స్ప్రెస్ (పాట్నా మీదుగా) బర్ధమాన్ వద్ద నిలబడే సదుపాయం ఉంది. హౌరా నుండి స్థానిక రైలు ద్వారా రెండు గంటలలో చేరుకోవచ్చు.
బుర్ద్వాన్ విశ్వవిద్యాలయాన్ని 1960 జూన్ 15న దాని మొదటి వైస్-ఛాన్సలర్ సుకుమార్ సేన్ అధికారికంగా ప్రారంభించారు.1950లలో జమీందారీ వ్యవస్థను రద్దు చేసిన తర్వాత, బుర్ద్వాన్ రాజ్ చివరి ప్రతినిధి ఉదయ్ చంద్ మహతాబ్, బుర్ద్వాన్లోని తన మొత్తం ఆస్తిని రాష్ట్ర ప్రభుత్వానికి వదిలిపెట్టాడు. ఇది అప్పటి పశ్చిమ బెంగాల్ ముఖ్యమంత్రి బిధాన్ చంద్ర రాయ్ చొరవతో ఈ విశ్వవిద్యాలయం స్థాపనను సులభతరం చేసింది. ప్రస్తుతం పరిపాలనా పనులు ఎక్కువగా రాజబతి (బర్ద్ధమాన మహారాజా ప్యాలెస్) నిలయంనుండి జరుగుచున్నాయి. మరోవైపు, గోలప్బాగ్ నిలయం విద్యాకార్యకలాపాల కేంద్రం.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.