![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e9/Serial_Podcast.jpg/640px-Serial_Podcast.jpg&w=640&q=50)
పాడ్కాస్ట్
From Wikipedia, the free encyclopedia
పాడ్కాస్ట్ చర్చ లేదా సంగీతం వలె డిజిటల్ ఫార్మాట్ లో ఇంటర్నెట్ లో నిక్షిప్తం చేయబడ్డ, ఇంటర్నెట్ నుండే డౌన్లోడ్ చేసుకుని కంప్యూటర్, మొబైల్ ఫోన్, ఎంపీ3 ప్లేయర్ లేదా (ట్యాబ్లెట్, ఐప్యాడ్ వంటి) ఏ ఇతర పరికరం ద్వారానైనా వినగలిగే ఒక రేడియో కార్యక్రమం. [1] [2] [3] [4] పాడ్కాస్ట్ లు జ్ఙానాన్ని సంపాదించుకోవటానికి, పంచుకోవటానికి, ప్రపంచాన్ని అర్థం చేసుకోవటానికి వేదికలుగా నిలిచాయి. [5] వేగం పెరిగిన జీవితాలలో ఆసక్తి గల అంశం గురించి తక్కువ సమయాన్ని కేటాయిస్తూనే తెలుసుకొనగలటం పాడ్కాస్ట్లు మానవాళికి ఇచ్చే గొప్ప లాభం. వార్తలు, వాస్తవాలు, విజ్ఞానశాస్త్రం, రాజకీయాలు, కథలు, విద్య, వినోదం ఇలా పాడ్కాస్ట్లు పలు విభాగాలలో రూపొందించబడతాయి.[6] పాడ్కాస్ట్ లు దాదాపు దశాబ్దం పైగా రూపొందించబడుతున్నా, ఇటీవలి కాలం లో స్మార్ట్ ఫోన్ల, పాడ్కాస్ట్ యాప్ లు పెరిగిన సాంకేతిక విలువలతో ఈ మధ్య కాలంలోనే అవి మహర్దశకు చేరుకొన్నవి![5] భారతదేశం లోనూ పాడ్కాస్టులకు 2020 నుండి ఆదరణ పెరగటం తో స్వీడిష్ సంస్థ అయిన స్పాటిఫై ఆంగ్లం తో బాటు హిందీ, తెలుగు, తమిళం వంటి స్థానిక భాషలలో 30 పాడ్కాస్ట్ లను విడుదల చేసింది. [6]
![](http://upload.wikimedia.org/wikipedia/commons/thumb/e/e9/Serial_Podcast.jpg/640px-Serial_Podcast.jpg)
పోడ్కాస్ట్ అని వాడుతున్న ఈ పేరు ఐపొడ్(iPod) ఇంకా బ్రాడ్కాస్ట్ (broadcast)ల కలయిక. కానీ ఐపోడ్ అనే కాక అంతర్జాలంతో లంకె ఉండే, ఏదైన ఆడ్పీయగలిగే ఇతర పరికరంతో పోడ్కాస్ట్నును వినవచ్చు. అందుకే వీటికి ఇతర పేర్లు కూడా సూచిస్తున్నారు. నెట్కాస్ట్[7] అనే పేరు ఇంటర్నెట్లో నుండి వింటునందుకు గాను, ఇంటర్నెట్ నుంచి ఇవి ప్రసారామైనందుకు వచ్చింది. అందుకు గాను తెలుగులో పోడ్కాస్ట్కి వలపఱపం లేదా వలప్రసారం అనవచ్చు.( ఉదా: వీడియో కాస్ట్= దృశ్య ప్రసారం)