From Wikipedia, the free encyclopedia
కేశవ్ ఆత్మానంద్ మహరాజ్ (జననం 1990 ఫిబ్రవరి 7) దక్షిణాఫ్రికా ప్రొఫెషనల్ క్రికెటరు.
వ్యక్తిగత సమాచారం | ||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
పూర్తి పేరు | కేశవ్ ఆత్మానంద్ మహరాజ్ | |||||||||||||||||||||||||||||||||||||||||||||||||||||||||||||||||
పుట్టిన తేదీ | డర్బన్, క్వాజులు నాటల్, దక్షిణాఫ్రికా హైస్కూల్: నార్త్వుడ్ బాయ్స్ హై స్కూల్ | 1990 ఫిబ్రవరి 7|||||||||||||||||||||||||||||||||||||||||||||||||||||||||||||||||
ఎత్తు | 179 cమీ. (5 అ. 10 అం.) | |||||||||||||||||||||||||||||||||||||||||||||||||||||||||||||||||
బ్యాటింగు | కుడిచేతి వాటం | |||||||||||||||||||||||||||||||||||||||||||||||||||||||||||||||||
బౌలింగు | Slow left-arm orthodox | |||||||||||||||||||||||||||||||||||||||||||||||||||||||||||||||||
పాత్ర | బౌలరు | |||||||||||||||||||||||||||||||||||||||||||||||||||||||||||||||||
అంతర్జాతీయ జట్టు సమాచారం | ||||||||||||||||||||||||||||||||||||||||||||||||||||||||||||||||||
జాతీయ జట్టు |
| |||||||||||||||||||||||||||||||||||||||||||||||||||||||||||||||||
తొలి టెస్టు (క్యాప్ 327) | 2016 నవంబరు 3 - ఆస్ట్రేలియా తో | |||||||||||||||||||||||||||||||||||||||||||||||||||||||||||||||||
చివరి టెస్టు | 2023 మార్చి 8 - వెస్టిండీస్ తో | |||||||||||||||||||||||||||||||||||||||||||||||||||||||||||||||||
తొలి వన్డే (క్యాప్ 120) | 2017 మే 27 - ఇంగ్లాండ్ తో | |||||||||||||||||||||||||||||||||||||||||||||||||||||||||||||||||
చివరి వన్డే | 2023 జనవరి 29 - ఇంగ్లాండ్ తో | |||||||||||||||||||||||||||||||||||||||||||||||||||||||||||||||||
వన్డేల్లో చొక్కా సంఖ్య. | 16 | |||||||||||||||||||||||||||||||||||||||||||||||||||||||||||||||||
తొలి T20I (క్యాప్ 94) | 2021 సెప్టెంబరు 10 - శ్రీలంక తో | |||||||||||||||||||||||||||||||||||||||||||||||||||||||||||||||||
చివరి T20I | 2022 నవంబరు 6 - నెదర్లాండ్స్ తో | |||||||||||||||||||||||||||||||||||||||||||||||||||||||||||||||||
T20Iల్లో చొక్కా సంఖ్య. | 16 | |||||||||||||||||||||||||||||||||||||||||||||||||||||||||||||||||
దేశీయ జట్టు సమాచారం | ||||||||||||||||||||||||||||||||||||||||||||||||||||||||||||||||||
Years | Team | |||||||||||||||||||||||||||||||||||||||||||||||||||||||||||||||||
2006–present | క్వాజులు-నాటల్ | |||||||||||||||||||||||||||||||||||||||||||||||||||||||||||||||||
2009–present | డాల్ఫిన్స్ | |||||||||||||||||||||||||||||||||||||||||||||||||||||||||||||||||
2018 | లాంకషైర్ | |||||||||||||||||||||||||||||||||||||||||||||||||||||||||||||||||
2018–present | డర్బన్ హీట్ | |||||||||||||||||||||||||||||||||||||||||||||||||||||||||||||||||
2019 | యార్క్షైర్ | |||||||||||||||||||||||||||||||||||||||||||||||||||||||||||||||||
2023 | డర్బన్ సూపర్ జయింట్స్ | |||||||||||||||||||||||||||||||||||||||||||||||||||||||||||||||||
కెరీర్ గణాంకాలు | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
మూలం: Cricinfo, 14 March 2023 |
మహరాజ్ టెస్టులు, వన్డే ఇంటర్నేషనల్ (వన్డే), ట్వంటీ20 ఇంటర్నేషనల్ (T20I) క్రికెట్లో దక్షిణాఫ్రికా జాతీయ జట్టుకు ప్రాతినిధ్యం వహిస్తున్నాడు. అతను ప్రస్తుతం పరిమిత ఓవర్ల క్రికెట్ జట్టుకు వైస్ కెప్టెన్గా ఉన్నాడు.
అతను 2006 [1] లో ఫస్ట్-క్లాస్ క్రికెట్లో అడుగుపెట్టాడు. 2016 నవంబరులో తొలి టెస్టు ఆడాడు.
అతను ఎడమచేతి ఆర్థోడాక్స్ స్పిన్ బౌలర్, దిగువ వరుసలో ఆడే బ్యాటరు. దేశీయ క్రికెట్లో క్వాజులు-నాటల్, డాల్ఫిన్స్లకు ప్రాతినిధ్యం వహిస్తున్నాడు.
2021 జూన్లో, దక్షిణాఫ్రికా తరపున టెస్టు మ్యాచ్లో హ్యాట్రిక్ సాధించిన రెండవ బౌలర్గా మహరాజ్ నిలిచాడు. [2] 2021 సెప్టెంబరులో, శ్రీలంకతో జరిగిన రెండవ వన్డేలో, మహరాజ్ మొదటిసారి దక్షిణాఫ్రికాకు కెప్టెన్గా వ్యవహరించాడు. [3] 2021 సెప్టెంబరులో మహరాజ్, శ్రీలంకపై తన T20I రంగప్రవేశం చేసాడు. ఆ మ్యాచ్లో అతను జట్టుకు నాయకత్వం కూడా వహించాడు.[4]
కేశవ్, డర్బన్ బీచ్లో ఆత్మానంద్, కాంచనమాల దంపతులకు జన్మించాడు. [5] అతని పూర్వీకులు భారతదేశం, ఉత్తరప్రదేశ్లోని సుల్తాన్పూర్కు చెందినవారు. 1874 లో వారు డర్బన్ చేరుకున్నారు [5]
2006-07లో క్వాజులు-నాటల్ తరపున 16 సంవత్సరాల వయస్సులో మహరాజ్ ఫస్ట్-క్లాస్ రంగప్రవేశం చేశాడు. [6] అతను 2009-10లో డాల్ఫిన్స్ జట్టుకు పదోన్నతి పొందాడు.
2010 ఏప్రిల్-మేలో దక్షిణాఫ్రికా అకాడమీతో కలిసి మహరాజ్ బంగ్లాదేశ్లో పర్యటించాడు. బంగ్లాదేశ్ క్రికెట్ బోర్డ్ అకాడమీతో జరిగిన రెండు నాలుగు-రోజుల మ్యాచ్లలో 13 వికెట్లు పడగొట్టాడు. అతను T20 మ్యాచ్లలో ఒకదానిలో బౌలింగ్ను ప్రారంభించి, నాలుగు ఓవర్లలో 12 పరుగులకు 4 వికెట్లు తీసుకున్నాడు. [7] అతను 2010-11లో పర్యాటక బంగ్లాదేశ్ A జట్టుపై దక్షిణాఫ్రికా A తరపున ఆడాడు.
2012–13 ఇప్పటివరకు మహరాజ్ బ్యాట్తో అత్యుత్తమ సీజన్. ఆ సీజనులో అతను, రెండు సెంచరీలతో సహా 48.10 సగటుతో 481 ఫస్ట్-క్లాస్ పరుగులు చేశాడు. [8] క్వాజులు-నాటల్ నార్తర్న్స్తో జరిగిన మ్యాచ్లో అతను, 119 బంతుల్లో 114 పరుగులు చేసి నాటౌట్గా నిలిచాడు. ఆ మ్యాచ్లో 12 పరుగులిచ్చి 5 వికెట్లు కూడా తీసుకున్నాడు.[9]
2014–15లో కేప్ కోబ్రాస్తో జరిగిన మ్యాచ్లో డాల్ఫిన్ల కోసం, మహరాజ్ తన అత్యుత్తమ ఇన్నింగ్స్, మ్యాచ్ గణాంకాలను సాధించాడు: ఇన్నింగ్సులో 58కి 6, మ్యాచ్లో 145కి 10. ఆ మ్యాచ్ డాల్ఫిన్స్ గెలిచింది, అతను మ్యాన్ ఆఫ్ ది మ్యాచ్ అవార్డును అందుకున్నాడు. [10] అతను 26.18 సగటుతో 44 ఫస్టు క్లాస్ వికెట్లతో ఆ సీజన్ను ముగించాడు. [11]
2013లో మహరాజ్, సస్సెక్స్ ప్రీమియర్ లీగ్లో కక్ఫీల్డ్ తరపున ఆడాడు. 2015 లో లాంక్షైర్ లీగ్లో నెల్సన్ ప్రొఫెషనల్గా ఆడాడు.[12] 2015 ఆఫ్రికా T20 కప్ కోసం క్వాజులు-నాటల్ క్రికెట్ జట్టులోకి అతన్ని తీసుకున్నారు.[13]
2016-17 సీజన్లోని మొదటి మ్యాచ్లో, వారియర్స్తో డాల్ఫిన్స్ తరఫున ఆడుతూ, మహరాజ్ 72 పరుగులు చేశాడు. ఆపై డాల్ఫిన్స్కు ఇన్నింగ్స్ విజయంలో 89 పరుగులకు 7, 68 పరుగులకు 6 వికెట్లు తీసుకున్నాడు. అతను ఒక ఇన్నింగ్స్లో ఏడు వికెట్లు, ఒక మ్యాచ్లో 13 వికెట్లు తీయడం ఇదే తొలిసారి. . [14]
2018 అక్టోబరులో, మజాన్సీ సూపర్ లీగ్ T20 టోర్నమెంటు మొదటి ఎడిషన్ కోసం డర్బన్ హీట్ జట్టులో మహరాజ్ ఎంపికయ్యాడు. [15] [16]
2018లో లాంక్షైర్ తరపున ఆడిన తర్వాత మహరాజ్, 2019 కౌంటీ ఛాంపియన్షిప్లో యార్క్షైర్ తరపున ఐదు మ్యాచ్లు ఆడాడు, 18.92 సగటుతో 38 వికెట్లు పడగొట్టాడు. దాంతో జట్టు 5వ స్థానంలో నిలిచింది. [17]
2019 సెప్టెంబరులో, 2019 ఎంజాన్సీ సూపర్ లీగ్ టోర్నమెంట్ కోసం డర్బన్ హీట్ జట్టు కోసం మహరాజ్ జట్టులో ఎంపికయ్యాడు. [18] 2021 ఏప్రిల్లో, అతను దక్షిణాఫ్రికాలో 2021–22 క్రికెట్ సీజన్కు ముందు క్వాజులు-నాటల్ జట్టులో ఎంపికయ్యాడు. [19]
2023 ఫిబ్రవరి 27న, అతను LV= కౌంటీ ఛాంపియన్షిప్, వైటాలిటీ t20 బ్లాస్టు పోటీల కోసం విదేశీ రిజిస్ట్రేషన్పై మిడిల్సెక్స్లో చేరాడు.
అకిలెస్ స్నాయువు గాయం కారణంగా అతను తరువాత వైదొలగవలసి వచ్చింది.
2016 అక్టోబరులో, ఆస్ట్రేలియాతో జరిగిన సిరీస్ కోసం దక్షిణాఫ్రికా జట్టులో మహరాజ్ ఎంపికయ్యాడు. అతను 2016 నవంబరు 3న ఆస్ట్రేలియన్తో తన తొలి టెస్టు ఆడి, మూడు కీలక వికెట్లు తీయడం ద్వారా మొదటి ఇన్నింగ్స్లో ఆస్ట్రేలియన్ బ్యాటింగ్ పతనంలో కీలక పాత్ర పోషించాడు. [20] అతను పెర్త్లో టెస్టుల్లో టెస్టు రంగప్రవేశం చేసిన మొదటి స్పెషలిస్టు స్పిన్నర్. [21]
2017 మార్చి 10న, న్యూజిలాండ్తో జరిగిన మ్యాచ్లో, మహరాజ్ టెస్టుల్లో తన తొలి ఐదు వికెట్ల పంటను సాధించాడు. [22] న్యూజిలాండ్తో జరిగిన టెస్టుల్లో దక్షిణాఫ్రికా స్పిన్నర్కి ఇది ఏడవది.[23]
2017 ఏప్రిల్లో, ఇంగ్లాండ్తో జరిగిన సిరీస్, 2017 ICC ఛాంపియన్స్ ట్రోఫీ కోసం దక్షిణాఫ్రికా వన్డే ఇంటర్నేషనల్ (వన్డే) జట్టులో మహరాజ్ ఎంపికయ్యాడు. [24] [25] అతను 2017 మే 27న ఇంగ్లండ్పై దక్షిణాఫ్రికా తరపున తన వన్డే ప్రవేశం చేసాడు [26]
2017 మేలో క్రికెట్ సౌతాఫ్రికా వార్షిక అవార్డులలో మహరాజ్ అంతర్జాతీయ నూతన సంవత్సర క్రీడాకారుడిగా ఎంపికయ్యాడు. [27] 2017 అక్టోబరులో, బంగ్లాదేశ్తో జరిగిన మొదటి టెస్టులో, టెస్టుల్లో తన 50వ వికెట్ను తీసుకున్నాడు. [28]
2018 జూలైలో, శ్రీలంకతో జరిగిన రెండో టెస్టు మ్యాచ్లో, మహరాజ్ 129 పరుగులకు 9 వికెట్లు తీసుకుని తన అత్యుత్తమ టెస్టు బౌలింగ్ గణాంకాలను నమోదు చేశాడు. శ్రీలంకలో టెస్టు ఇన్నింగ్స్లో పర్యాటక బౌలరు సాధించిన అత్యుత్తమ బౌలింగ్ గణాంకాలవి.[29] అతను దక్షిణాఫ్రికా తరఫున ఆసియాలో ఆడుతూ ఒక టెస్టు ఇన్నింగ్స్లో అత్యుత్తమ బౌలింగ్ గణాంకాలను కూడా నమోదు చేశాడు. [30] [31] అతని 129 పరుగులకు 9 వికెట్లు హ్యూ టేఫీల్డ్ తర్వాత ఒక టెస్టు ఇన్నింగ్స్లో ఒక దక్షిణాఫ్రికా ఆటగాడు సాధించిన రెండవ అత్యుత్తమ బౌలింగ్ గణాంకాలు. 1991లో అంతర్జాతీయ క్రికెట్లోకి ప్రవేశించినప్పటి నుండి దక్షిణాఫ్రికాకు చెందిన అత్యుత్తమ టెస్టు బౌలింగ్ గణాంకాలవి.[32] [33] రంగనా హెరాత్ తర్వాత టెస్టు ఇన్నింగ్స్లో 9 వికెట్లు తీసిన రెండో ఎడమచేతి వాటం స్పిన్నర్గా నిలిచాడు. [34]
2018 ఆగష్టులో, శ్రీలంకతో జరిగిన ఏఖైక మ్యాచ్ కోసం దక్షిణాఫ్రికా ట్వంటీ 20 ఇంటర్నేషనల్ (T20I) జట్టులో మహరాజ్ ఎంపికయ్యాడు గానీ అతను మ్యాచ్లో ఆడలేదు. [35]
2019 అక్టోబరులో, భారత్తో జరిగిన సిరీస్లో, మహరాజ్ టెస్టు క్రికెట్లో తన 100వ వికెట్ను తీసుకున్నాడు. [36]
2020 నవంబరులో, ఇంగ్లండ్తో జరిగిన పరిమిత ఓవర్ల సిరీస్కు దక్షిణాఫ్రికా జట్టులో మహరాజ్ ఎంపికయ్యాడు. [37] [38]
2021 జూన్ 21న, దక్షిణాఫ్రికా వెస్టిండీస్లో చేసిన పర్యటనలో రెండవ టెస్టు మ్యాచ్ నాల్గవ రోజున, 1960లో లార్డ్స్లో జియోఫ్ గ్రిఫిన్ తర్వాత, మహరాజ్ దక్షిణాఫ్రికా యొక్క రెండవ టెస్టు హ్యాట్రిక్ సాధించాడు. [39] [40] అప్పటి వరకూ T20Iలలో ఆడనప్పటికీ, 2021 ICC పురుషుల T20 ప్రపంచ కప్కు దక్షిణాఫ్రికా జట్టులో మహరాజ్ను ఎంపిక చేశారు. [41] [42] అతను 2021 సెప్టెంబరు 10న శ్రీలంకపై, జట్టు కెప్టెన్గా తన తొలి T20I ఆడాడు.[43] T20Iలలో తన మొదటి బంతికే వికెట్ తీసుకున్నాడు. [44] శ్రీలంకతో వన్డే సిరీస్ను 2-1తో కోల్పోయిన దక్షిణాఫ్రికా, 3-0తో టి20 సిరీస్ను గెలుచుకోవడంలో అతను దోహదపడ్డాడు.[45]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.