![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7c/Anand_Mahindra_%25281%2529.jpg/640px-Anand_Mahindra_%25281%2529.jpg&w=640&q=50)
ఆనంద్ మహీంద్రా
భారతీయ వ్యాపారవేత్త / From Wikipedia, the free encyclopedia
ఆనంద్ గోపాల్ మహీంద్రా (జననం 1955 మే 1) ఒక భారతీయ బిలియనీర్ వ్యాపారవేత్త. ఆయన మహీంద్రా గ్రూప్ ప్రస్తుత చైర్మన్.[4][5][6][7] ముంబైకి చెందిన ఈ బిజెనెస్ గ్రూప్ లో ఏరోస్పేస్, అగ్రిబిజినెస్, ఆటోమోటివ్, స్పేర్స్, నిర్మాణ పరికరాలు, డిఫెన్స్, ఎనర్జీ, వ్యవసాయ పరికరాలు, ఆర్థిక, భీమా, పారిశ్రామిక పరికరాలు, సమాచార సాంకేతికత, విశ్రాంతి, ఆతిథ్యం, లాజిస్టిక్స్, రియల్ ఎస్టేట్, ఆఫ్టర్ సేల్స్, రిటైల్.. ఇలా పలురకాల వ్యాపారాలున్నాయి.[8] ఈ మహీంద్రా అండ్ మహీంద్రా సహ వ్యవస్థాపకుడు జగదీష్ చంద్ర మహీంద్రా మనువడు ఆనంద్ మహీంద్రా నికర విలువ 2020 జనవరి నాటికి $1.6 బిలియన్లుగా అంచనా వేయబడింది.
ఆనంద్ గోపాల్ మహీంద్రా | |
---|---|
![]() | |
జననం | (1955-05-01) 1955 మే 1 (వయసు 69) బాంబే, బాంబే స్టేట్, భారతదేశం (ప్రస్తుతం ముంబై) |
జాతీయత | ఇండియన్ |
విద్యాసంస్థ | హార్వర్డ్ విశ్వవిద్యాలయం (బి.ఎ., ఎం.బి.ఎ.)[1][2] |
వృత్తి | వ్యాపారవేత్త |
నికర విలువ | US$1.8 బిలియన్ (ఏప్రిల్ 2021)[3] |
బిరుదు | ఛైర్మన్, మహీంద్రా గ్రూప్ |
జీవిత భాగస్వామి | అనురాధ మహీంద్రా |
పిల్లలు | ఇద్దరు కుమార్తెలు |
ఆనంద్ మహీంద్రా హార్వర్డ్ విశ్వవిద్యాలయం, హార్వర్డ్ బిజినెస్ స్కూల్ పూర్వ విద్యార్థి.[9] 1996లో ఆయన భారతదేశంలో నిరుపేద బాలికల విద్య కోసమై నాన్హి కాలీ అనే ప్రభుత్వేతర సంస్థను స్థాపించాడు.[10][11] ప్రపంచంలోని 50 మంది గొప్ప నాయకులలో ఆయనను ఒకరిగా ఫార్చ్యూన్ మ్యాగజైన్ ఎంపికచేసింది.[12] అదే మ్యాగజైన్ 2011లో ఆసియాలోని 25 అత్యంత శక్తివంతమైన వ్యాపారవేత్తల జాబితాలో ఆనంద్ మహీంద్రా పేరు చేర్చింది.[13] ఆనంద్ మహీంద్రాను ఫోర్బ్స్ (ఇండియా) 2013 సంవత్సరానికి 'ఆంట్రప్రెన్యూర్ ఆఫ్ ది ఇయర్'గా గుర్తించింది.[14] ఆయనకి 2020 జనవరిలో భారతదేశంలో మూడవ అత్యున్నత పౌర పురస్కారమైన పద్మభూషణ్ అవార్డు లభించింది.[15][16]