From Wikipedia, the free encyclopedia
అరవింద డి సిల్వా (ఆంగ్లం Aravinda de Silva) శ్రీలంకకు చెందిన ప్రముఖ క్రికెట్ ఆటగాడు. ఇతడు 1965 అక్టోబరు 17 న కొలంబోలో జన్మించాడు. డిసిల్వా 1996 క్రికెట్ ప్రపంచ కప్ గెలిచిన శ్రీలంక జట్టులో కీలక సభ్యుడు. ఆ ఫైనల్లో మ్యాచ్ను గెలిపించిన శతకాన్ని సాధించాడు. అతను 2003లో రిటైరయ్యాక, శ్రీలంక క్రికెట్లో వివిధ పదవులను నిర్వహించాడు.
వ్యక్తిగత సమాచారం | ||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
పూర్తి పేరు | పిన్నడువాగే అరవింద డి సిల్వా | |||||||||||||||||||||||||||||||||||||||||||||||||||||||||||||||||
పుట్టిన తేదీ | Colombo, Ceylon | 1965 అక్టోబరు 17|||||||||||||||||||||||||||||||||||||||||||||||||||||||||||||||||
మారుపేరు | మ్యాడ్ మ్యాక్స్ | |||||||||||||||||||||||||||||||||||||||||||||||||||||||||||||||||
ఎత్తు | 5 అ. 5 అం. (165 cమీ.) | |||||||||||||||||||||||||||||||||||||||||||||||||||||||||||||||||
బ్యాటింగు | కుడిచేతి వాటం | |||||||||||||||||||||||||||||||||||||||||||||||||||||||||||||||||
బౌలింగు | కుడిచేతి వాటం ఆఫ్ బ్రేక్ | |||||||||||||||||||||||||||||||||||||||||||||||||||||||||||||||||
పాత్ర | బ్యాట్స్మన్ | |||||||||||||||||||||||||||||||||||||||||||||||||||||||||||||||||
అంతర్జాతీయ జట్టు సమాచారం | ||||||||||||||||||||||||||||||||||||||||||||||||||||||||||||||||||
జాతీయ జట్టు |
| |||||||||||||||||||||||||||||||||||||||||||||||||||||||||||||||||
తొలి టెస్టు (క్యాప్ 27) | 1984 ఆగస్టు 23 - ఇంగ్లాండు తో | |||||||||||||||||||||||||||||||||||||||||||||||||||||||||||||||||
చివరి టెస్టు | 2002 జూలై 23 - బంగ్లాదేశ్ తో | |||||||||||||||||||||||||||||||||||||||||||||||||||||||||||||||||
తొలి వన్డే (క్యాప్ 37) | 1984 ఏప్రిల్ 31 - న్యూ జీలాండ్ తో | |||||||||||||||||||||||||||||||||||||||||||||||||||||||||||||||||
చివరి వన్డే | 2003 మార్చి 18 - ఆస్ట్రేలియా తో | |||||||||||||||||||||||||||||||||||||||||||||||||||||||||||||||||
దేశీయ జట్టు సమాచారం | ||||||||||||||||||||||||||||||||||||||||||||||||||||||||||||||||||
Years | Team | |||||||||||||||||||||||||||||||||||||||||||||||||||||||||||||||||
1989–2002 | క్రికెట్ క్లబ్ | |||||||||||||||||||||||||||||||||||||||||||||||||||||||||||||||||
1995 | కెంట్ | |||||||||||||||||||||||||||||||||||||||||||||||||||||||||||||||||
1996/1997 | ఆక్లండ్ | |||||||||||||||||||||||||||||||||||||||||||||||||||||||||||||||||
కెరీర్ గణాంకాలు | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
మూలం: Cricinfo, 2007 ఆగస్టు 25 |
[1] ఈ శతాబ్దంలోనే శ్రీలంకకి చెందిన ప్రముఖ క్రికెటర్గా అతన్ని పరిగణిస్తారు.[2]
డి సిల్వా 1984లో ఇంగ్లండ్పై లార్డ్స్లో టెస్టు మ్యాచ్లో అంతర్జాతీయ ట్స్టుల్లో ప్రవేశించాడు. [3] అతని కెరీర్ ప్రారంభ భాగంలో అతను దూకుడుగా ఆడుతూ అస్థిరమైన బ్యాట్స్మన్గా పేరు పొందాడు - ర్యాష్గా కొట్టే షాట్లకు ఔటయ్యే అతని ధోరణికి గాను అతన్ని "మ్యాడ్ మాక్స్" అనేవారు. తరువాత అతను తన దూకుడు బ్యాటింగ్ శైలిపై ఇలా వ్యాఖ్యానించాడు: "అది నా సహజమైన ఆట - ఆ విధంగా ఆడడంలోనే నాకు ఆత్మవిశ్వాసం ఉంది. ఈ పద్ధతిని మార్చుకోవడం నాకు ఇష్టం లేదు. బౌలింగుపై ఆధిపత్యం సాధించగలిగేవారు అదే చేయాలి. చిన్నప్పటి నుండి నేను అలాగే ఆడుతున్నాను." [4]
1996 క్రికెట్ ప్రపంచ కప్లో శ్రీలంక విజయంలో డిసిల్వా కీలక పాత్ర పోషించాడు, ఆస్ట్రేలియాతో జరిగిన ఫైనల్లో అతని అజేయ సెంచరీ, మూడు వికెట్లూ అతనికి మ్యాన్ ఆఫ్ ది మ్యాచ్ అవార్డును సంపాదించిపెట్టాయి. అతని ఇతర ముఖ్యమైన విజయాలలో - రెండు సందర్భాలలో ఒక టెస్ట్ మ్యాచ్లోని రెండు ఇన్నింగ్స్ల్లోనూ శతకం చేయడం కూడా ఉంది ( భారత ఆటగాడు సునీల్ గవాస్కర్, ఆస్ట్రేలియా రికీ పాంటింగ్, డేవిడ్ వార్నర్ లు మాత్రమే ఈ ఘనత సాధించారు.) ఈ డబుల్స్లో ఒకటి 1997 ఏప్రిల్లో కొలంబోలోని సింహళీస్ స్పోర్ట్స్ క్లబ్లో పాకిస్తాన్తో జరిగిన మ్యాచ్లో చేసిన 138, 105 లు రెండూ నాటౌట్లే. ఒకే టెస్టు మ్యాచ్లో రెండు అజేయ సెంచరీలు చేసిన మొదటి ఆటగాడిగా, ఇప్పటివరకు ఏకైక ఆటగాడిగా నిలిచాడు. అంతకుముందు టెస్టులో రెండో ఇన్నింగ్స్లో 168 పరుగులు చేసిన అతను ఎనిమిది రోజుల్లో మూడు సెంచరీలు నమోదు చేశాడు. ఆ సంవత్సరం అతను, 76.25 సగటుతో 1,220 పరుగులు సాధించాడు.[5]
1995 అక్టోబరులో షార్జాలో పాకిస్తాన్, వెస్టిండీస్లతో జరిగిన మూడు-దేశాల ఛాంపియన్స్ ట్రోఫీ టోర్నమెంటులో మూడు జట్లూ ప్రాథమిక రౌండ్-రాబిన్ దశలో రెండేసి విజయాలు రెండేసి ఓటములతో సమానమైన పాయింట్లతో ఉన్నాయి. వెస్టిండీస్, శ్రీలంకల అధిక రన్ రేట్ల కారణంగా ఫైనల్ మ్యాచ్లో ఆడేందుకు ఎంపికయ్యాయి. ఫైనల్లో శ్రీలంక 50 పరుగుల తేడాతో విజయం సాధించింది. డిసిల్వా ఐదు మ్యాచ్ల్లో 29.25 సగటుతో 117 పరుగులతో ముగించాడు. [6] ఆస్ట్రేలియాలో జరిగిన మూడు టెస్టుల సిరీస్లో అతని బ్యాటింగ్ ఫామ్ క్షీణించింది, ఇక్కడ శ్రీలంక బ్యాట్స్మెన్ గ్లెన్ మెక్గ్రాత్ బౌలింగ్తో ఇబ్బంది పడ్డారు. మెక్గ్రాత్ 21 వికెట్లు తీసుకున్నాడు. డిసిల్వా 16.33 సగటుతో 98 పరుగులు మాత్రమే చేయగలిగాడు. మూడో టెస్టులో రెగ్యులర్ కెప్టెన్ అర్జున రణతుంగ వేలి గాయం కారణంగా వైదొలగడంతో డి సిల్వా కెప్టెన్గా వ్యవహరించాడు. ఈ సిరీస్ మొదటి టెస్టులో శ్రీలంక బాల్ ట్యాంపరింగ్కు పాల్పడినట్లు ఆరోపణలు వచ్చాయి. తరువాత అంతర్జాతీయ క్రికెట్ కౌన్సిల్ విచారణలో శ్రీలంక నిర్దోషిగా తేలింది. రెండవ టెస్టులో ఆస్ట్రేలియన్ అంపైర్ డారెల్ హెయిర్ శ్రీలంక బౌలర్ ముత్తయ్య మురళీధరన్ను బంతి విసురుతున్నాడంటూ మూడు ఓవర్లలో ఏడు సార్లు నో బాల్లు ప్రకటించాడు.[7] ఈవిధంగా ఆ సీరీస్ వివాదాస్పదమైంది. టెస్ట్ సిరీస్తో పాటు శ్రీలంక ఆస్ట్రేలియా, వెస్టిండీస్లతో మూడు దేశాల వన్డే సిరీస్లలో కూడా పాల్గొంది. వెస్టిండీస్తో జరిగిన టోర్నమెంట్లోని ఏడవ మ్యాచ్లో మురళీధరన్ మళ్లీ విసురుతున్నాడని ప్రకటించారు. దాంతో మురళి ఆ వన్డే సిరీస్లో మళ్లీ ఆడలేదు. రెండు చివరి మ్యాచ్లలో శ్రీలంకను ఓడించి ఆస్ట్రేలియా, ఆ టోర్నమెంట్ను గెలుచుకుంది. భారత ఉపఖండంలో జరగబోయే ICC ప్రపంచ కప్లో తమ అభిమాన స్థానాన్ని నిర్ధారించుకుంది. రణతుంగ లేకపోవడంతో, డిసిల్వా వన్డే టోర్నమెంట్లో రణతుంగ తిరిగి వచ్చే వరకు శ్రీలంకకు కెప్టెన్గా వ్యవహరించాడు. 25.80 సగటుతో 258 పరుగులతో శ్రీలంక టాప్ బ్యాట్స్మెన్గా సిరీస్ను ముగించాడు. [8]
1996 ప్రపంచ కప్లో, భారత, పాకిస్తాన్లతో కలిసి కప్కు ఆతిథ్యం ఇచ్చిన శ్రీలంక, భద్రతా కారణాల వల్ల కొలంబోలో జరగాల్సిన తమ మ్యాచ్లను వెస్టిండీస్, ఆస్ట్రేలియాలు వదులుకోవడంతో ప్రాథమిక రౌండ్లలో మూడు గేమ్లు మాత్రమే ఆడింది. జింబాబ్వే గానీ, కెన్యా గానీ శ్రీలంక జట్టును నిజంగా పరీక్షించలేకపోయాయి - ఆ రెండు మ్యాచ్లలో డి సిల్వా 91, 145 పరుగులతో మ్యాన్ ఆఫ్ ద మ్యాచ్ గా ఎంపికయ్యాడు. కెన్యాపై డి సిల్వా 115 బంతుల్లో 145 పరుగులు చేయడం శ్రీలంక తరఫున వన్డేల్లో అత్యధిక స్కోరు. 1996 ప్రపంచకప్లో మూడో అత్యధిక స్కోరు. భారతదేశం బలమైన ప్రత్యర్థి అయినప్పటికీ, సచిన్ టెండూల్కర్ 137 పరుగులు చేసినప్పటికీ, శ్రీలంక భారత్పై ఆరు వికెట్ల విజయాన్ని అందుకుంది. [9]
క్వార్టర్ ఫైనల్స్లో శ్రీలంక ఇంగ్లండ్ను ఐదు వికెట్ల తేడాతో ఓడించింది. ఆ జట్టు శ్రీలంక వెలుపల ఇంగ్లండ్ను ఓడించడం ఇదే తొలిసారి. [10] వారి సెమీ-ఫైనల్ ప్రత్యర్థి భారతదేశం. కలకత్తాలోని ఈడెన్ గార్డెన్స్లో టాస్ గెలిచిన భారతదేశం ఫీల్డింగ్ ఎంచుకుంది. జవగల్ శ్రీనాథ్ శ్రీలంక ఓపెనింగ్ జోడిని కేవలం ఒక పరుగుకే వెనక్కి పంపడంతో చాలా మంచి ఆరంభం లభించింది. నాలుగో స్థానంలో వచ్చిన డిసిల్వా 47 బంతుల్లో 66 పరుగులు చేసి శ్రీలంక కోలుకోవడానికి నాయకత్వం వహించాడు. శ్రీలంక భారత్కు 252 పరుగుల లక్ష్యాన్ని నిర్దేశించింది. అతని 66 పరుగులకు గణాంకాల పట్టికలో ప్రత్యేకత ఏమీ లేనప్పటికీ, అది డిసైల్వా అత్యుత్తమ ఇన్నింగ్స్లలో ఒకటిగా పరిగణించబడుతుంది. టెండూల్కర్ (65 పరుగులు) మినహా భారత బ్యాట్స్మన్లు స్కోరు చేయడంలో విఫలమయ్యారు. [11] భారత్ 34.1 ఓవర్ల వద్ద 8 వికెట్లకు 120 పరుగులకే కుప్పకూలిన తర్వాత, దట్టంగా నిండిన స్వదేశీ ప్రేక్షకులు అవుట్ఫీల్డ్పై బాటిళ్లను విసిరి, సీటింగ్కు నిప్పంటించడం ద్వారా తమ ఆగ్రహాన్ని వ్యక్తం చేశారు. చివరికి మ్యాచ్ రిఫరీ క్లైవ్ లాయిడ్ ఆటను ఆఅపేసి, శ్రీలంక గెలిచినట్లు ప్రకటించాల్సి వచ్చింది.[12]
1996లో ఆస్ట్రేలియాతో జరిగిన ప్రపంచ కప్ ఫైనల్ మ్యాచ్లో అతను 42 పరుగులకు 3 వికెట్లు (ఆస్ట్రేలియన్ కెప్టెన్ మార్క్ టేలర్, కాబోయే కెప్టెన్ రికీ పాంటింగ్లతో సహా) రెండు క్యాచ్లు తీసుకుని, ఆ తర్వాత బ్యాటింగులో నాటౌటుగా 107 పరుగులు చేసాడు. ఇది అతని కెరీర్లో హైలైట్గా చెప్పవచ్చు. ఆ మ్యాచ్లో శ్రీలంక 7 వికెట్ల తేడాతో అద్భుతమైన విజయాన్ని సాధించి, తద్వారా ప్రపంచ కప్ను కైవసం చేసుకుంది. డి సిల్వా మ్యాన్ ఆఫ్ ది మ్యాచ్ అవార్డును కూడా అందుకున్నాడు. [13] ఫైనల్లో అతని పాత్రను 2002లో విస్డెన్ వన్డే క్రికెట్లో ఎనిమిదో అత్యంత ముఖ్యమైన బ్యాటింగ్ ప్రదర్శనగా గుర్తించింది. అతని బౌలింగ్ విస్డెన్ టాప్ 100 బౌలింగ్ చార్ట్లో 82వ స్థానంలో ఉంది. [14]
ఇమ్రాన్ ఖాన్, వసీం అక్రమ్, వకార్ యూనిస్, అబ్దుల్ ఖాదిర్ ల బౌలింగ్ దాడిని ఎదుర్కొని డిసిల్వా చేసిన ఎనిమిది సెంచరీలతో అతను పాకిస్తాన్పై అత్యధిక శతకాలు చేసిన బ్యాటరుగా నిలిచాడు.[15] అతని అత్యధిక టెస్ట్ స్కోరు 267, 1991లో న్యూజిలాండ్పై బేసిన్ రిజర్వ్లో చేసాడు. అతను తన చిట్ట చివరి టెస్ట్ ఇన్నింగ్స్లో మరో డబుల్ సెంచరీని సాధించాడు, అలాగే టెస్ట్ క్రికెట్లో (2002లో బంగ్లాదేశ్పై ) తన చిట్టచివరి బంతితో వికెట్ తీసాడు. క్రికెట్ చరిత్రలో తనకంటూ ఒక విశిష్టమైన స్థానాన్ని సంపాదించుకుని 2003 క్రికెట్ వరల్డ్ కప్ తర్వాత అన్ని అంతర్జాతీయ క్రికెట్ పోటీల నుండి రిటైరయ్యాడు.
అరవింద డి సిల్వా 93 టెస్టులకు ప్రాతినిధ్యం వహించి 42.97 సగటుతో 6,361 పరుగులు సాధించాడు. అందులో 20 సెంచరీలు, 22 అర్థసెంచరీలు ఉన్నాయి. టెస్ట్ క్రికెట్లో అతని అత్యధిక స్కోరు 267 పరుగులు. బౌలింగ్లో 29 వికెట్లు కూడా సాధించాడు. టెస్ట్ క్రికెట్లో ఇతని అత్యుత్తమ బౌలింగ్ విశ్లేషణ 30 పరుగులకు 3 వికెట్లు.
అరవింద డి సిల్వా 308 వన్డేలు ఆడి 34.90 సగటుతో 9284 పరుగులు సాధించాడు. అందులో 11 సెంచరీలు, 64 అర్థసెంచరీలు ఉన్నాయి. వన్డేలలో అతని అత్యధిక స్కోరు 145 పరుగులు. బౌలింగ్లో 106 వికెట్లు కూడా సాధించాడు. వన్డేలలో అతడి అత్యుత్తమ బౌలింగ్ విశ్లేషణ 30 పరుగులకు 4 వికెట్లు.
1996లో ఐదుగురు విస్డెన్ క్రికెటర్లలో ఒకడుగా డిసిల్వా ఎంపికయ్యాడు. ఈ ప్రతిష్టాత్మక జాబితాలోకి ఎక్కిన ఐదుగురు శ్రీలంక క్రికెటర్లలో డిసిల్వా ఒకడు. [16] విస్డెన్ టాప్ 100 బ్యాటింగ్ ప్రదర్శనల జాబితాలో అతను ఆరు సార్లు ఎక్కాడు. వెస్టిండీస్ బ్యాట్స్మెన్ వివ్ రిచర్డ్స్ కంటే ఇది ఒక్కటి మాత్రమే తక్కువ.[17]
డిసిల్వా కొంతకాలం పాటు జాతీయ సెలక్షన్ కమిటీకి ఛైర్మన్గా నియమితుడయ్యాడు. ICC క్రికెట్ ప్రపంచ కప్ 2011 తర్వాత దానికి రాజీనామా చేసాడు. [18] 2016 ICC వరల్డ్ ట్వంటీ20 టోర్నమెంటుకు ముందు, మార్చి 7 న, డిసిల్వా మళ్లీ జాతీయ ఎంపిక కమిటీకి అధిపతిగా నియమితుడయ్యాడు.[19] 13 నెలల తరువాత, 2017 మే 5 న ఆ పదవికి రాజీనామా చేశాడు.[20]
క్రికెట్ మ్యాచ్లను ఫిక్స్ చేయడానికి డబ్బు తీసుకున్నారని డిసిల్వాపై ఆరోపణలు వచ్చాయి. అర్జున రణతుంగపై కూడా ఈ ఆరోపణలు వచ్చాయి. [21] [22] [23]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.