అప్పర్ సుబన్సిరి జిల్లా
అరుణాచల్ ప్రదేశ్ లోని జిల్లా From Wikipedia, the free encyclopedia
అరుణాచల్ ప్రదేశ్ లోని జిల్లా From Wikipedia, the free encyclopedia
అప్పర్ సుబన్సిరి జిల్లా, భారతదేశం, అరుణాచల్ ప్రదేశ్ రాష్ట్రం లోని జిల్లా. జిల్లా ముఖ్యపట్టణం దపోరిజో
అప్పర్ సుబన్సిరి జిల్లా | |
---|---|
దేశం | భారతదేశం |
రాష్ట్రం | అరుణాచల్ ప్రదేశ్ |
ముఖ్య పట్టణం | దపోరిజో |
విస్తీర్ణం | |
• మొత్తం | 7,032 కి.మీ2 (2,715 చ. మై) |
జనాభా (2011) | |
• మొత్తం | 83,205[1] |
జనాభా వివరాలు | |
• అక్షరాస్యత | 64.0%[1] |
• లింగ నిష్పత్తి | 982[1] |
Website | అధికారిక జాలస్థలి |
1987 సుబన్సిరి జిల్లాను, ఎగువ సుబన్సిరి, దిగువ సుబన్సిరి జిల్లాలుగా విభజించిన తరువాత ఈ జిల్లా ఏర్పడింది.[2]
ఎగువ సుబన్సిరి జిల్లా కేంద్రం దపొరిజోలో ఉంది. ఈ జిల్లా వైశాల్యం 7032 చ.కి.మీ.[3] ఈ జిల్లా వైశాల్యం అమెరికాలోని ఈస్ట్ ఫాల్క్లాండ్ నగరానికి సమానం.[4] ముఖ్యమైన పట్టణాలు చేతమ్, గిబా, టేక్సింగ్, లైమ్కింగ్, నాచో, సియుమ్, పయెంగ్, తలిహా, గితే రిపా, గుస్సార్, డంపోరిజో, డపోరిజో, మారో, బారిరిజో, పుచిగెకు, వీటిలో ప్రతి ఒక్కటి సర్కిల్కు ప్రధాన కార్యాలయాలుగా ఉన్నాయి.
2011 గణాంకాలను అనుసరించి పంచాయితీ రాజ్ మంత్రిత్వశాఖ భారతదేశ జిల్లాలు (640) లో వెనుకబడిన 250 జిల్లాలలో ఎగువ సుబన్సిరి జిల్లా ఒకటి అని గుర్తించింది.[5] బ్యాక్వర్డ్ రీజన్ గ్రాంటు ఫండునుండి నిధులను అందుకుంటున్న అరుణాచల్ ప్రదేశ్ రాష్ట్ర జిల్లాలలో ఈ జిల్లా ఒకటి.[5]
ఎగువ సుబన్సిరి జిల్లాలో నాలుగు అరుణాచల ప్రదేశ్ శాసనసభ నియోజకవర్గాలు ఉన్నాయి: నాచో, తలిహా, డాపొరిజో, డంపొరిజో. ఇవన్నీ అరుణాచల్ పశ్చిమ లోక్సభ నియోజకవర్గంలో భాగమై ఉన్నాయి.[6]
2011 భారత జనాభా లెక్కల ప్రకారం అరుణాచల్ ప్రదేశ్లోని ఎగువ సుబన్సిరి జిల్లాలో మొత్తం జనాభా 83,448. వీరిలో 41,758 మంది పురుషులు ఉండగా. 41,690 మంది స్త్రీలు ఉన్నారు.[7] జిల్లాలో మొత్తం 15,869 కుటుంబాలు ఉన్నాయి. జిల్లా సగటు లింగ నిష్పత్తి 998.
జిల్లా మొత్తం జనాభాలో 16.1% మంది పట్టణ ప్రాంతాల్లో నివసిస్తుండగా, 83.9% మంది గ్రామీణ ప్రాంతాల్లో నివసిస్తున్నారు. పట్టణ ప్రాంతాల్లో సగటు అక్షరాస్యత రేటు 79.5% కాగా, గ్రామీణ ప్రాంతాల్లో 60.7% ఉంది. జిల్లాలోని పట్టణ ప్రాంతాల లింగ నిష్పత్తి 938 కాగా, గ్రామీణ ప్రాంతాల వారిది 1,010 ఉంది.
జిల్లాలో 0-6 సంవత్సరాల వయస్సు గల పిల్లల జనాభా 12475, ఇది మొత్తం జనాభాలో 15%.ఉంది. 0-6 సంవత్సరాల మధ్య 6332 మంది మగ పిల్లలు ఉండగా, 6143 మంది ఆడ పిల్లలు ఉన్నారు. పిల్లల లింగ నిష్పత్తి 970, ఇది ఎగువ సుబంసిరి జిల్లా సగటు లింగ నిష్పత్తి (998) కంటే తక్కువ.
జిల్లా మొత్తం అక్షరాస్యత రేటు 63.8%.జిల్లాలో పురుషుల అక్షరాస్యత రేటు 59.41% ఉండగా, స్త్రీల అక్షరాస్యత రేటు 49.1%.ఉంది
ఎగువ సుబన్సిరి జిల్లాలో తగిన్, హిల్, మిరి, గాలో ప్రజలు నివసిస్తున్నారు.
ఎగువ సుబన్సిరి జిల్లాలో తగిన్ ప్రధాన భాషగా ఉంది. సినో -టిబెట్ కుటుంబానికి చెందిన హిల్స్ మిరి (న్యిషి), గాలో జిల్లా పశ్చిమ భూభాగంలో వాడుకలో ఉంది.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.