விக்கிப்பீடியா:இலங்கையின் கிழக்கு-வடக்கு-மலையக தொழிற்கலைகளை பல்லூடக முறையில் ஆவணப்படுத்தல்
From Wikipedia, the free encyclopedia
தமிழ் விக்கிப்பீடியா தமிழ் மொழியின், தமிழ் பேசும் சமூகங்களின் அறிவுத் தளங்களைப் பதிவு செய்வதில் ஒரு முன்னோடிக் களமாகத் திகழ்ந்து வந்துள்ளது, வருகின்றது. தமிழ் பேசும் சமூகங்கள் தொடர்பான பல்வேறு தகவல்களை நாம் தொகுத்து வருகிறோம். ஆனால் சில முக்கியமான அறிவுத் தொகுதிகளைப் பதிவு செய்வதில் தடைகள் உள்ளன. போதிய உசாத்துணை வளங்கள் இல்லாமை, முன் எடுத்துக்காட்டுக்கள் இல்லாமை, இணைய இணைப்பு இல்லாமை, ஈடுபாடு கொண்ட பயனர்கள் இல்லாமை என்று பல்வேறு காரணங்கள் தடைகளாக உள்ளன. இவ்வாறு போதிய கவனிப்புப் பெறாத துறைகளில் ஒன்றாக மரபுசார் தொழிற்கலைகள் (trades) மற்றும் அருங்கலைகளும் (crafts), அவைகளைப் பற்றிய அறிவுத் தளங்களும் உள்ளன. இதை நிவர்த்தி செய்யும் வகையில் விக்கியூடக நிறுவனத்தில் ஒரு முன்மொழிவினை முன்வைத்துள்ளோம். இந்த முன்மொழிவு தமிழ் விக்கித் தன்னார்வலர்களாலும், நூலக நிறுவனப் பங்களிப்பாளர்களாலும், இதர அமைப்புகளின் ஆதரவோடும் முன்னெடுக்கும் வண்ணம் வடிவமைக்கப்பட்டு வருகின்றது. அந்த முன்மொழிவு தற்போது மீளாய்வுக்காகச் (review) சமர்ப்பிக்கப்பட்டுள்ளது. அந்த முன்மொழிவினை மேம்படுத்த, அந்தச் செயற்திட்டத்தில் பங்கெடுக்க உங்களை வரவேற்கிறோம்.
முகப்பு | உரையாடல் | சந்திப்புக்கள் | களப் பணிளும் பட்டறைகளும் | கலைகள் | காலக்கோடு | களப்பணி விதிகளும் செயல்முறைகளும் | உசாத்துணைகள் |