வளமான பிறை பிரதேசம்
From Wikipedia, the free encyclopedia
வளமான பிறை பிரதேசம் (Fertile Crescent) பண்டைய அண்மை கிழக்கில் சந்திர பிறை வடிவத்தில் அமைந்த தற்கால எகிப்து, இஸ்ரேல், லெபனான், ஜோர்டான் சிரியா, ஈராக், தெற்கு துருக்கி, மேற்கு ஈரான், உள்ளிட்ட வளமான பிரதேசங்களைக் குறிக்கும்.[1][2] சில வரலாற்று அறிஞர்கள் வளமான பிறை பிரதேசத்தில் சைப்பிரஸ் தீவுப் பகுதியையும் சேர்த்துக் கொள்கின்றனர்.
வரலாறு மற்றும் தொல்லியல் அறிஞர்கள், வளமான பிறை பிரதேசத்தை உலக நாகரிகத்தின் தொட்டில் என்று அழைக்கின்றனர். வளமான பிறை பிரதேசத்தில் நைல் ஆறு, புறாத்து ஆறு, டைகிரிசு ஆறு, ஜோர்தான் ஆறு போன்ற என்றும் வற்றாத ஆறுகள் பாய்வதால், இப்பகுதியில் மக்கள் முதன்முதலில் பெரும் அளவில் வேளாண்மைத் தொழில் செய்யத் துவங்கினர். ஆடு, மாடுகள் மேய்ச்சலுக்கும், உழவிற்கும், உணவிற்கும், உடைக்கும் பயன்படுத்தினர். தெய்வங்களுக்கு சுட்ட செங்கற்லால் கோயில், அரண்மனை கட்டிடங்களை எழுப்பினர். இதன் விளைவாக வளமான பிறை பிரதேசத்தில், கிமு 4500-இல் முதன்முதலில் சுமேரியா நாகரீகம் தோன்றியது.[3]இப்பிரதேசத்தில் முதன் முதலாக புதிய தொழில் நுட்ப முன்னேற்றங்களாக ஆப்பெழுத்துக்கள், எழுத்துக் கலை, வேளாண் நீர் பாசானம், வண்டிச் சக்கரங்கள், கண்ணாடி மட்பாண்டங்கள், சுமேரிய மொழி, சுமேரியச் சமயம் மற்றும் சுமேரிய கடவுள்கள் தோன்றியது.