![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/24/Tree_graph.svg/langta-640px-Tree_graph.svg.png&w=640&q=50)
மரம் (கோட்டுருவியல்)
From Wikipedia, the free encyclopedia
ஒரு திசையற்ற கோட்டுருவின் எந்த இரு கணுக்களும் "ஒரேயொரு" பாதையால் மட்டுமே இணைக்கப்பட்டிருந்தால் அந்த திசையற்ற கோட்டுருவானது மரம் (tree) எனப்படும். "இணைப்புள்ள சுழலாத் திசையற்ற கோட்டுரு" எனவும் மரம் வரையறுக்கப்படுகிறது[1].
பன்மரம்[2] (திசையுறு மரம்[3], திசைசார் மரம்[4][5], ஒற்றை இணைப்பு வலையமைப்பு[6]) என்பது ஒரு திசையுள்ள சுழலாக் கோட்டுரு ஆகும். இதிலுள்ள திசையற்ற கோட்டுவானது ஒரு மர அமைப்பாக இருக்கும்.
மரங்களின் பொதுவற்ற ஒன்றிப்பு "காடு" எனப்படுகிறது. மேலும் "அதிகபட்சம்" ஒரு பாதையால் இணைக்கப்பட்ட முனைகளைக் கொண்ட திசையற்ற கோட்டுரு அல்லது திசையற்ற சுழலாக் கோட்டுரு எனவும் காடு வரையறுக்கப்படுகிறது.[7]
பல்காடு (திசையுறு காடு, திசைசார் காடு) என்பது ஒரு திசையுள்ள சுழலாக் கோட்டுருவாக இருக்கும். இந்தக் கோட்டுருவிலுள்ள திசையற்ற கோட்டுருவானது ஒரு காடாக இருக்கும்.
மரம் என்பதற்கு இணையான ஆங்கிலப் பெயரான "tree" என்பது 1857 இல் பிரித்தானியக் கணிதவியலாளர் ஆர்தர் கெய்லியால் உருவாக்கப்பட்டது.[8]