பிணைவடக் கம்பம்
From Wikipedia, the free encyclopedia
பிணைவடக் கம்பம் (guyed mast) என்பது தனது உறுதிக்காக பிணை வடங்களில் தங்கியுள்ள மெல்லியதும் உயரமானதுமான ஒரு அமைப்பு ஆகும். பொதுவாகக் கம்பங்கள் தமது எடையைத் தாங்குவதற்குப் போதுமான அமுக்க வலுவைக் கொண்டவை. ஆனால் பக்கவாட்டு விசைகளைத் தாங்கி நிலையாக நிற்கும் வலுவற்றவை.[1] [2]இதனால், இவற்றை நிலையாக நிறுத்துவதற்கு பிணை வடங்கள் அல்லது ஆள் வடங்கள் எனப்படும் இழுவை நிலையில் உள்ள வடங்கள் தேவைப்படுகின்றன. இவ்வடங்களின் ஒரு முனை கம்பத்தின் குறித்த உயரத்தில் உள்ள ஒரு புள்ளியிலும், அடுத்த முனை நிலத்திலும் பிணைக்கப்பட்டிருக்கும். கம்பத்தைச் சுற்றி சம கோண அளவுகளில் இது போன்ற பன பிணை வடங்கள் இருக்கும். இவ்வமைப்பு காற்று விசை போன்ற பக்கவாட்டு விசைகளுக்கு எதிராகக் கம்பத்தை நிலைக்குத்தாக வைத்திருக்கிறது.