![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e0/Jordmor_jim-_oslo.jpeg/640px-Jordmor_jim-_oslo.jpeg&w=640&q=50)
பாலினப் பாத்திரம்
From Wikipedia, the free encyclopedia
பாலினப் பாத்திரம் (gender role) அல்லது பாலியல் பாத்திரம் (sex role),[1] என்பது உயிரியல் அல்லது இயல்புப் பாலினம் சார்ந்த மக்களின் ஏற்புடையதும் தகுந்ததும் விரும்பப்படுவதுமான நடத்தைகளையும் உளப்பாங்குகளையும் உள்ளடக்கிய சமூகப் பாத்திரம் ஆகும்.[2][3] பாலினப் பாத்திரங்கள் வழக்கமாக ஆண்மை, பெண்மை சார்ந்த கருத்தினங்களை மையப்படுத்தியே அமைகின்றன;[2] என்றாலும் மூன்றாம் பாலினமும் பிற விதிர்பாலின வேறுபாடுகளும் கருதப்படுவதில்லை. இந்தப் பாலின் எதிர்பார்ப்புகளின் தனித்தன்மைகள், பண்பாட்டுக்குப் பண்பாடு வேறுபட்டாலும், பிற பொது நடத்தைகள் அனைத்துப் பண்பாடுகளிலும் பொதுவாகவே உள்ளன. இவ்வகை பாலினப் பாத்திரங்களும் அவற்றின் வேறுபாடுகளும் மாந்தரில் எவ்வளவுக்கு உயிரியலாகவும் எவ்வளவுக்குச் சமூகப் புனைவுகளாலும் தீர்மானிக்கப்படுகின்றன என்பது தொடர்விவாத்திலேயே உள்ளது.
பல்வேறு பெண்ணிய இயக்கங்கள் நிலவும் பாலினப் பாத்திரங்கள் ஒடுக்குதலை நோக்கமாகக் கொண்டவை எனவும் துல்லியமற்றவை எனவும் கருதுகின்றன.
பாலினப் பாத்திரம் எனும் சொல்லை முதன்முதலில் 1954 இல் ஜான் மோனியும் அவரது குழுவினரும் பயன்படுத்தினர். உயிரியலான வேறுபாடு நிலவாத சூழலில் தனியர்களின் பாலுறவை தீர்மானிப்பத்தில் ஆண்பாத்திரம் ஏற்கிறார்களா அல்லது பெண்பாத்திரம் ஏற்கிறார்களா என்பதை அவர்களது பாங்குகளைவைத்து கண்டறியும் ஆய்வில் பாலினப் பாத்திரம் எனும் சொல்லை உருவாக்கிப் பயன்படுத்தினர்.[4]