பாரினின் பயன்
From Wikipedia, the free encyclopedia
பாரின் இன பயன் (மொங்கோலியம்: Баян; 1236 – சனவரி 11, 1295) அல்லது போயன் (சீனம்: 伯顔; பின்யின்: Bóyán) என்பவர் ஒரு மங்கோலியத் தளபதி ஆவார். மார்க்கோபோலோ இவரை "நூறு கண் பயன்" என்று அறிந்திருந்தார். சீன மொழிச் சொல்லில் (சீனம்: 百眼; பின்யின்: Bǎiyǎn) ஏற்பட்ட குழப்பத்தால் அவர் இவ்வாறு அறிந்திருக்கலாம். சீனாவின் சாங் அரசமரபிற்கு (960-1279) எதிராக குப்லாய் கானின் இராணுவத்தை இவர் வழிநடத்தினார். சாங் அரசமரபு வீழ்ந்து, தெற்கு சீனாவை யுவான் அரசமரபு கைப்பற்ற இவரும் ஒரு காரணம் ஆவார்.
"பயன்" என்ற மொங்கோலிய மொழிச் சொல்லுக்கு "பணக்கார" என்று பொருள்.