![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/10/Spektrofotometri.jpg/640px-Spektrofotometri.jpg&w=640&q=50)
நிறமாலை ஒளியளவியல்
From Wikipedia, the free encyclopedia
நிறமாலை ஒளியளவியல் (Spectrophotometry) என்பது நிறமாலையியலின் ஒரு பிரிவாகும். இது அலைநீளத்தின் சார்பாக ஒரு பொருளின் தெறிப்பு அல்லது பரப்புகைப் பண்புகளின் அளவீட்டுடன் தொடர்புடையது.[1] நிறமாலை ஒளியளவியலானது நிறமாலையொளிமானிகள் எனப்படும் ஒளிமானிகளைப் பயன்படுத்துகிறது, இதன்மூலம் வெவ்வேறு அலைநீளங்களில் ஒரு ஒளிக்கற்றையின் செறிவை அளவிட முடியும். நிறமாலையொளியளவியல் பொதுவாகப் புறவூதா, கட்புலப்படும், மற்றும் அகச்சிவப்புக் கதிர்வீச்சுகளுக்குப் பயன்படுத்தப்படுகிறது என்றாலும், நவீன நிறமாலையொளிமானிகள் எக்சு-கதிர், புற ஊதாக் கதிர், கட்புலனாகும் நிறமாலை, அகச்சிவப்புக் கதிர், நுண்ணலை அலைநீளங்கள் உட்பட மின்காந்த நிழற்பட்டையின் பரந்த பகுதிகளுக்குப் பயன்படுத்த முடியும்.
![Thumb image](http://upload.wikimedia.org/wikipedia/commons/thumb/1/10/Spektrofotometri.jpg/640px-Spektrofotometri.jpg)
நிறமாலையொளிமானியின் பயன்பாடு இயற்பியலின் ஆய்வுகளில் வரம்புக்குட்பட்டது அல்ல. அவை இயற்பியல், பொருளறிவியல், வேதியியல், உயிர்வேதியியல், வேதிப் பொறியியல், மூலக்கூற்று உயிரியல் போன்ற ஏனைய அறிவியல் துறைகளிலும் கூடப் பொதுவாகப் பயன்படுத்தப்படுகின்றன.[2] குறைகடத்திகள், சீரொளி, ஒளியியல் உற்பத்திகள், அச்சிடுதல் மற்றும் தடவியல் சோதனை உள்ளிட்ட பல துறைகளில் பரவலாகப் பயன்படுத்தப்படுகின்றன. அத்துடன் நொதிய செயற்பாடுகளின் அளவீடு, புரதச் செறிவுகளை அளவிடுதல், நொதி இயக்க மாறிலிகளைக் கண்டறிதல் போன்றவற்றிலும் பயன்படுத்தப்படுகின்றது.