![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5f/Cutchogue_-_Oregon_Road_-_Plant_Nursery.jpg/640px-Cutchogue_-_Oregon_Road_-_Plant_Nursery.jpg&w=640&q=50)
நாற்றுமேடை
From Wikipedia, the free encyclopedia
நாற்றுமேடை (Plant nursery) என்பது தாவரங்களின் இளம்பருவமான நாற்று நிலையில் அதிக கவனிப்பு வழங்கப்பட்டு, அவை தகுந்த வளர்ச்சியடைந்து வருவதற்காக உகந்த சூழ்நிலைகளை வழங்கி, அவற்றின் இலகுவான இனப்பெருக்கத்திற்காக பராமரிக்கும் இடமாகும். இந்த நாற்று மேடையில் உருவாக்கப்படும் நாற்றுக்களிலிருந்து பின்னர் வளர்ந்த தாவரங்களை உருவாக்குவதற்காக நாற்றுநடல் செய்யப்படும். நாற்றுக்களாக இருக்கும் நிலையிலேயே விற்பனைக்கு விடப்படவோ, அல்லது வேறு இடங்களுக்கு எடுத்துச் செல்லப்படவோ முடியும்.[1]
![]() | இக்கட்டுரையின் தலைப்பு விக்கிப்பீடியாவின் பெயரிடல் மரபுக்கோ, கலைக்களஞ்சிய பெயரிடல் மரபுக்கோ ஒவ்வாததாக இருக்கலாம் இக்கட்டுரையின் தலைப்பினை பெயரிடல் மரபுக்கு ஏற்றவாறு மாற்றக் கோரப்பட்டுள்ளது. உங்கள் கருத்துக்களை உரையாடல் பக்கத்தில் தெரிவியுங்கள். |
![](http://upload.wikimedia.org/wikipedia/commons/thumb/5/5f/Cutchogue_-_Oregon_Road_-_Plant_Nursery.jpg/640px-Cutchogue_-_Oregon_Road_-_Plant_Nursery.jpg)
இப்படியான நாற்றுமேடைகளில் வளர்க்கப்படும் நாற்றுக்கள் சிறிய அளவில் பொதுமக்களுக்கு சில்லறையாக விற்கப்படும் நோக்கிலோ, அல்லது பெரிய அளவில் வேறு நாற்றுமேடைகளுக்கோ அல்லது வர்த்தக ரீதியான தோட்டங்களை வைத்திருப்பவர்களுக்கோ விற்கப்படக்கூடிய மொத்த விற்பனை நோக்கிலோ வளர்க்கப்படலாம். சில தனியார் நிறுவனங்களில், அல்லது தனியார் தோட்டங்களில் தமது நாற்றுத் தேவையை தாமே பூர்த்தி செய்து கொள்வதற்காகவும் இவ்வாறான நாற்றுமேடைகள் பயன்படுத்தப்படுகின்றன.
சில நாற்றுமேடைகள் பல்வேறுபட்ட தாவரங்களை இனப்பெருக்கத்துக்கு உட்படுத்தும் நோக்கிலும், வேறு சில பல தாவரங்களை வளர்த்தெடுக்கவும், இன்னும் சில நாற்றுமேடைகள் குறிப்பிட்ட ஒரு தாவரத்திற்காகவோ தயார் செய்யப்பட்டு பராமரிக்கப்பட்டு வருகின்றன.