![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/21/Tulja_lena_caves_group.jpg/640px-Tulja_lena_caves_group.jpg&w=640&q=50)
துளஜா குகைகள்
From Wikipedia, the free encyclopedia
துளஜா குகைகள் (Tulja Caves), இந்தியாவின் மகாராட்டிரா மாநிலத்தின் புனே மாவட்டத்தின் ஜூன்னாரிலிருந்து மேற்கே 4 கிமீ தொலைவில் உள்ள சிவனேரி மலையில் உள்ள பௌத்தக் குடைவரைகள் ஆகும்.[1] துளஜா குகை அருகே அமைந்த பிற குடைவரைகள் மன்மோடி குகைகள், சிவனேரி குகைகள் மற்றும் லெண்யாத்திரி ஆகும். துளஜா குகைகள், புனே நகரத்திலிருந்து 95 கிமீ தொலைவில் உள்ளது.
![Thumb image](http://upload.wikimedia.org/wikipedia/commons/thumb/2/21/Tulja_lena_caves_group.jpg/640px-Tulja_lena_caves_group.jpg)
துளஜா குகைகளில் குடைவரை ஒன்றில், வட்ட வடிவ சைத்திய மண்டபத்தில் உள்ள தூபியைச் சுற்றிலும் 12 எண்கோண வடிவ தூண்களைக் கொண்டது.[2]
கிமு 50ல் நிறுவப்பட்ட துளஜா குகைகள், 11 பௌத்தக் குடைவரைகளைக் கொண்டது. தற்போது குடைவரை எண் 4ல் துளஜா தேவியின் சிலை நிறுவப்பட்டு, இந்துக்களின் குகையாக மாற்றப்பட்டுள்ளது.[1][3]