தலைவாசல் விஜய்
From Wikipedia, the free encyclopedia
தலைவாசல் விஜய் தமிழ் திரைப்பட நடிகர். மற்றும் குரல்-ஒலிச்சேர்க்கை கலைஞர் ஆவார்.[1] இவர், தமிழ், மலையாளம் மற்றும் தெலுங்கு மொழி திரைப்படங்கள் மற்றும் தொலைக்காட்சி தொடர்களில் நடித்துள்ளார்.
தலைவாசல் விஜய் | |
---|---|
பிறப்பு | ஏ. ஆர். விஜயகுமார் ஆகஸ்ட் 4 சைதாப்பேட்டை, சென்னை |
இருப்பிடம் | கீழ்ப்பாக்கம், சென்னை |
பணி | நடிகர் |
செயற்பாட்டுக் காலம் | 1992-தற்போது |
இவர், 1992இல் வெளிவந்த தலைவாசல் படத்தில் அறிமுகமானார். அதில் இவர் ஏற்று நடித்த கதாபாத்திரத்தின் மூலம் பிரபலமடைந்ததால் தனது பெயருக்கு முன்னால் தான் நடித்த முதல் படத்தின் பெயரை அடைமொழியாக வைத்து "தலைவாசல் விஜய்" என அழைக்கப்படுகிறார். இவர் திரைப்படங்களில் துணை கதாபாத்திரம் அல்லது குணசித்திர வேடங்களில் நடிப்பதின் மூலமாக அறியப்படுகிறார். குறிப்பாக, 2010இல் வெளியான ஆர். சுகுமாரனின் "யுகபுருஷன்" மலையாளப் படத்தில் இவர் ஏற்று நடித்த நாராயண குரு கதாபாத்திரம் பெரும் பெயரைப் பெற்றது.[2] இவர், தனது 25 வருட தொழில் வாழ்க்கையில் 200 திரைப்படங்களுக்கு மேலாக நடித்துள்ளார்.[3]