ஜாக் சிராக்
1995 முதல் 2007 வரை பிரான்சின் அதிபர் / From Wikipedia, the free encyclopedia
யாக் ரெனே சிராக் (Jacques René Chirac, 29 நவம்பர் 1932 – 26 செப்டம்பர் 2019) 1995ஆம் ஆண்டு முதல் 2007ஆம் ஆண்டு வரை பிரான்சின் அதிபராக பணியாற்றிய ஓர் பிரெஞ்சு அரசியல்வாதி. இதற்கு முன்னர் 1974ஆம் ஆண்டு முதல் 1976 வரையும் 1986ஆம் ஆண்டு முதல் 1988 வரையும் இருமுறை பிரான்சின் பிரதமராக இருந்த பெருமை உடையவர்.1977ஆம் ஆண்டு முதல் 1985 வரை பாரிசின் மேயராகப் பணியாற்றி உள்ளார்.
யாக் சிராக் | |
---|---|
![]() | |
பிரெஞ்சு அதிபர் | |
பதவியில் 17 மே 1995 – 16 மே 2007 | |
பிரதமர் | அலைன் யுப்பெ லியோனல் யோசுபின் யான் பியரி ராஃபாரன் டொமினிக் டெ வில்பின் |
முன்னையவர் | பான்சுவா மித்தரண்ட் |
பின்னவர் | நிக்கொலா சார்கோசி |
அண்டோராவின் இணை இளவரசர் | |
பதவியில் 17 மே 1995 – 16 மே 2007 Serving with யோன் மார்ட்டி அலானிசு யோன் என்ரிக் விவ் சிசிலியா | |
பிரதமர் | மார்க் ஃபோர்னெ மொல்னெ ஆல்பர்ட் பின்டட் |
முன்னையவர் | பான்சுவா மித்தரண்ட் |
பின்னவர் | நிக்கொலா சார்கோசி |
பிரான்சின் பிரதமர் | |
பதவியில் 20 மார்ச்சு 1986 – 10 மே 1988 | |
குடியரசுத் தலைவர் | பான்சுவா மித்தரண்ட் |
முன்னையவர் | லாரன்ட் ஃபாபியசு |
பின்னவர் | மிசேல் ரோகர்ட் |
பதவியில் 27 மே 1974 – 26 ஆகத்து 1976 | |
குடியரசுத் தலைவர் | வலேரி கிசுகர்ட் டி எசுடைங் |
முன்னையவர் | பியரி மெசுமர் |
பின்னவர் | ரேமண்ட் பாரே |
பாரிசு மேயர் | |
பதவியில் 20 மார்ச்சு 1977 – 16 மே 1995 | |
முன்னையவர் | புதிய உருவாக்கம் |
பின்னவர் | யான் டிபெரி |
உள்துறை அமைச்சர் | |
பதவியில் 27 பிப்ரவரி 1974 – 28 மே 1974 | |
பிரதமர் | பியரி மெசுமர் |
முன்னையவர் | ரேமண்ட் மார்செல்லன் |
பின்னவர் | மிசேல் பொனியாடௌசுகி |
தனிப்பட்ட விவரங்கள் | |
பிறப்பு | (1932-11-29)29 நவம்பர் 1932 பாரிஸ், மூன்றாவது பிரெஞ்சுக் குடியரசு |
இறப்பு | 26 செப்டம்பர் 2019(2019-09-26) (அகவை 86) பாரிசு, பிரான்சு |
அரசியல் கட்சி | மக்கள் இயக்க சங்கம் (2002–நடப்பு) |
பிற அரசியல் தொடர்புகள் | பிரெஞ்சு பொதுவுடமைக் கட்சி (1971 முன்னால்) குடியரசின் மக்களாட்சியர் சங்கம் (1971–1976) குடியரசுக்கானப் பேரணி (1976–2002) |
துணைவர் | பெர்னடெட் சிராக் |
முன்னாள் கல்லூரி | பாரிசு அரசறிவியல் கழகம் ஆர்வர்ட் பல்கலைக்கழகம் தேசிய மேலாண்மைப் பள்ளி |
தொழில் | பொதுச் சேவை |
கையெழுத்து | ![]() |
சிராக் பிரெஞ்சு அதிபராக, பான்சுவா மித்தரண்டிற்கு அடுத்து, மிகுந்த நாட்கள் பணியாற்றிய சாதனையும் புரிந்துள்ளார். முதல்முறை ஏழு ஆண்டுகளும் இரண்டாம் தவணையில் ஐந்து ஆண்டுகளும் முழு பணிக்காலமும் அதிபராக இருந்துள்ளார். அதிபர் என்ற முறையில் அண்டோராவின் பதவிவழி இணை-இளவரசராகவும் பிரெஞ்சு "தேசிய கௌரவ படை"(Légion d'honneur)யின் பதவிவழி கிராண்ட் மாஸ்டராகவும் பணியாற்றினார்.படித்தவுடன் மூன்று மாதங்கள் கப்பலில் மாலுமியாக பணியாற்றினார்.
சிராக் வரிவிகிதங்களைக் குறைத்தார்,விலைக் கட்டுப்பாடுகளை தளர்த்தினார், குற்றம், தீவிரவாதம் புரிந்தவர்களுக்கான தண்டனையைக் கடுமையாக்கினார் மற்றும் வணிக தனியார்மயமாக்கலை ஆதரித்தார்.[1] சமூகத்திற்கு பொறுப்புள்ள பொருளியல் கொள்கைகளை ஆதரித்த இவர் 1995ஆம் ஆண்டு தேர்தலில் "சமூகப் பிளவை"(fracture sociale) குறைக்க வேண்டிய தேவையை எடுத்துக்கூறி வென்றார்.[2] இவரது அரசு கட்டுப்படுத்துகின்ற பொருளியல் வளர்ச்சிக் கொள்கைகள் ஐக்கிய இராச்சியம்|பிரித்தானியரின் தாராளமயக் கொள்கைகளுக்கு மாற்றாக இருந்ததைச் சுட்டி அதனை "ஆங்கிலோ-சாக்சன் பெருந்தாராளமயம்" என்றுரைத்தார்.[3]