From Wikipedia, the free encyclopedia
செதில் கவசம் (ஆங்கிலம்:Scale armour, ஸ்கேல் ஆர்மர்) என்பது ஒரு துணி, அல்லது தோலை பின்புலமாகக் கொண்டு, பல தனித்தனியான சிறிய செதில்களை (தட்டுகள்) ஒன்றன்மீது ஒன்றாக இணைத்து செய்யப்படும் ஒரு முற்கால கவசம் ஆகும்.[1] செதில் கவசம் பல்வேறு கலாச்சாரங்களை சார்ந்த வீரர்கள் மற்றும் குதிரைகளால் அணியப்பட்டிருந்தன. செதில்களை செய்ய வெண்கலம், இரும்பு, பதனிடா விலங்குத் தோல் (rawhide), பதனிட்ட தோல் (leather), கொதிக்கவைக்கப்பட்ட தோல் (cuir bouilli), வித்துக்கள், கொம்பு, ஏறும்புண்ணிச் (pangolin) செதில்கள், மற்றும் பண்டைய சீனாவில், காகிதம் முதலிய மூலபொருட்கள் பயன்படுத்தப் பட்டன. இந்த வேற்றுமைகள் மூலப்பொருட்களின் கிடைக்கும் தன்மையை பொறுத்தது.
ஒரு பின்புலத்தில், சிறிய செதில்களை (தட்டுகள்) ஒன்றன்மீது ஒன்றாக தைத்து (அல்லது கட்டி), மீன்/ஊர்வனவின் செதில்களை அல்லது வீட்டின் ஓடுகளை போன்ற தோற்றத்துடன் உருவாக்கப்படுவதே செதில் கவசம் ஆகும்.[2] லோரிக்கா சுக்குவாமாட்டா என்பது இவ்வகையான ரோமானிய கவசமாகும்.[1]
இவ்வகை கவசத்தை சாகர்கள், ரோமானியர்கள், இந்தியர்கள், சீனர்கள், மற்றும் ஜப்பானியர்களும் பயன்படுத்தி உள்ளனர்.
துளைக்கும் மற்றும் மழுங்கிய தாக்குதல்களில் இருந்து வலைக் கவசத்தைவிட செதில் கவசம் நல்ல பாதுகாப்பை அளித்தது.[3] இதன் தயாரிப்புச் செலவும் குறைவு. அனால் இது வலைக் கவசத்தின் நெகிழ்தன்மை மற்றும் முழுத் தழுவு அளவுக்கு (coverage) ஈடில்லை. தறையாணிக் கவசம் மற்றும் தகட்டு மேலுடுப்பை தவிர, மற்றவை மத்தியகால ஐரோப்பாவில் பிரபலமில்லை, ஆனால் செதில் மற்றும் பின்னல் கவசங்கள் மற்றெங்கும் பிரபலம்.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.