சுமான்சி: வெல்கம் டூ தி ஜங்கிள்
From Wikipedia, the free encyclopedia
சுமான்சி: வெல்கம் டூ தி ஜங்கிள் 2017ல் வெளிவந்த அமெரிக்க சாகச புனைவுத் திரைப்படம். இப்படத்தை ஜேக் கஸ்டான் இயக்கினார். கிறிஸ் மெக்கேனா, எரிக் சோம்மர்ஸ், ஸ்காட் ரோஸன்பெர்க் மற்றும் ஜெப் பிங்க்னர் ஆகியோரால் எழுதப்பட்ட இப்படம், மெக்கேனா எழுதிய கதையை அடிப்படையாகக் கொண்டு எடுக்கப்பட்டது . இது 1995ல் வெளிவந்த சுமான்சி படத்தொடரின் மூன்றாவது பாகம் ஆகும். முதல் படமான சுமான்சி படத்தில் முன்னனி நட்சத்திரமான ராபின் வில்லியம்ஸுக்கு அஞ்சலி செலுத்தும் விதமாக அவரது பெயர் இப்படத்தில் குறிப்பிடப்பட்டுள்ளது. [1] இந்தத் திரைப்படத்தில் டுவேயின் ஜான்சன், ஜேக் பிளாக், கெவின் ஹார்ட், கரேன் கில்லன், நிக் ஜோனஸ் மற்றும் பாபி கேனவேல் ஆகியோர் நடித்திருக்கிறார்கள் .
சுமான்சி: வெல்கம் டூ தி ஜங்கிள் டிசம்பர் 5, 2017 அன்று பாரிசில் கிராண்ட் ரெக்ஸ் திரையரங்கில் ஒளிபரப்பப்பட்டது. டிசம்பர் 20 ம் தேதி அமெரிக்காவில் ரியல் டி 3டி மற்றும் ஐ-மாக்ஸ் வடிவங்களில் வெளியிடப்பட்டது. இந்தத் திரைப்படம் விமர்சகர்களிடமிருந்து பொதுவாக நேர்மறையான விமர்சனங்களைப் பெற்றது. விமர்சகர்கள் இப்படத்தை "மகிழ்ச்சிகரமான ஆச்சரியம்" என்று புகழ்ந்தது. [2] சுமான்சியின் மூன்றாம் வெளியிடான இப்படம் உலகம் முழுவதும் 962 மில்லியன் அமெரிக்க டாலர்கள் வசூலித்தது.[3] இதனால் இப்படம் அதிக வசூல் செய்த படங்களில் 45ஆவது இடத்தை பிடித்தது.