![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f1/Sungai_Siput_main_street_view.jpg/640px-Sungai_Siput_main_street_view.jpg&w=640&q=50)
சுங்கை சிப்புட்
From Wikipedia, the free encyclopedia
சுங்கை சிப்புட் (ஆங்கிலம்: Sungai Siput; மலாய்: Sungai Siput; சீனம்: 打扪) என்பது மலேசியா, பேராக் மாநிலத்தில் உள்ள நகரம் ஆகும். இந்த நகருக்கு ’சங்கு நதி’ எனும் அழகிய தமிழ்ப் பெயரும் உண்டு. சுங்கை சிப்புட் துணை மாவட்டத்தின் பெயரும் சுங்கை சிப்புட் என்றே அழைக்கப்படுகின்றது. இந்தத் துணை மாவட்டம் கோலாகங்சார் மாவட்டத்தில் இருக்கின்றது.
விரைவான உண்மைகள் சுங்கை சிப்புட்Sungai Siput பேராக், நாடு ...
![]() 2008-ஆம் ஆண்டில் சுங்கை சிப்புட் | |
![]() | |
ஆள்கூறுகள்: | |
நாடு | ![]() |
மாநிலம் | ![]() |
மாவட்டம் | கோலாகங்சார் மாவட்டம் |
தோற்றம் | 1830 |
மக்கள்தொகை (2008) | |
• மொத்தம் | 44,568 |
நேர வலயம் | மலேசிய நேரம் ஒ.ச.நே + 08:00 |
மலேசிய அஞ்சல் குறியீடு | 31100 |
மலேசிய தொலைபேசி எண் | 05 |
இணையதளம் | சுங்கை சிப்புட் நகராண்மைக் கழகம் |
மூடு
சுங்கை சிப்புட் நகரம் மலேசியாவில் துரிதமாக வளர்ச்சி பெற்று வரும் நகரங்களில் ஒன்றாகும். இந்த நகரம் ஒரு வரலாற்றுச் சிறப்பு மிக்க நகரமாகும். மலேசிய இந்தியத் தலைவர்களில் சிலரின் அரசியல் வாழ்க்கையை உறுதி செய்த நகரம் என்றும் இதற்கு ஓர் அடைமொழி உண்டு. மலேசியா சுதந்திரம் அடைந்ததில் இருந்து இந்தத் தொகுதி இந்தியர்களின் அரசியல் கோட்டையாக இருந்து வருகிறது.