![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/37/SaivismFlag.svg/langta-640px-SaivismFlag.svg.png&w=640&q=50)
சைவ சித்தாந்தம்
சைவ ஆகம, வேதங்கள், உபநிடதங்கள் சார்ந்து, சிவனை மூலக் கடவுளாக வழிபடும் முறை. / From Wikipedia, the free encyclopedia
சைவ சித்தாந்தம் (Saiva Siddhantam) என்னும் தத்துவப் பிரிவு சிவனை முழுமுதற் கடவுளாகக் கொண்டு வழிபடுகின்ற சமய நெறி சைவ சமயத்துக்கு அடிப்படையாக விளங்குகிறது. சித்தாந்தம் என்பது சிந்தித்துக் கண்டறிந்த முடிவான உண்மை எனப் பொருள்படும். (அந்தம் - முடிவு). ஆன்மீகம் தொடர்பான பல்வேறு கருத்துக்களையும் ஆராய்ந்து சிந்தித்து முடிந்த முடிவாகக் காணப்பட்டது சைவசித்தாந்தம்.
![](http://upload.wikimedia.org/wikipedia/commons/thumb/4/45/DevelopmentofShaivism.jpg/320px-DevelopmentofShaivism.jpg)
சைவ சித்தாத்தினை வேதாந்தம் எனும் மரத்தில் காய்த்த பழுத்த கனி என்கிறார் குமர குருபரர்.[1] சைவ சித்தாந்தம் திராவிட அறிவின் சிறந்த வெளிப்பாடு என்று ஜி.யு.போப் குறிப்பிடுகின்றார்.[2]