சாரோசு (வானியல்)
From Wikipedia, the free encyclopedia
கிரகணங்கள் (அ) மறைப்புகளின் காலச்சுழலையும் (periodicity) மறுநிகழ்வையும் (recurrence) கணிப்பதற்கு உதவும் சுழற்சி சாரோஸ் சுழற்சி எனப்படும். இது 6,585.3 நாள்கள் (18 ஆண்டுகள் 11 நாள்கள் 8 மணி) காலம் கொண்ட ஒரு சுழற்சியாகும்.[1] இதற்கு நிலவின் சுழற்சிப்பாதையில் ஏற்படும் திசைமாற்றமே காரணம். ஒவ்வொரு சாரோசு சுழற்சிக்குப் பிறகும் அனலி (சூரியன்), பூமி, நிலவு இவை மூன்றும் அதே சார்பு இடஒருங்குக்கு (relative spatial alignment) வருகின்றன; ஒவ்வொரு சாரோசு சுழற்சிக்குப் பின்னும் ஒரே வகையான மறைப்பு (கிரகணம்) ஏற்படும்.[2] எனவே இவ்வகையான மறைப்புகளை சாரோசு வரிசை எனலாம். ஆனால் ஒவ்வொரு சாரோசு வரிசை மறைப்புக்கு இடையிலும் கிட்டத்தட்ட 40 சூரிய / நிலவு மறைப்புகள் மொத்தத்தில் ஏற்படுகின்றன; இவற்றின் இடவொருங்கு சாரோசு இடவொருங்கிற்கு வேறுபட்டு இருக்கும்.[3]