சத் (Sat) (சமக்கிருதம்: सत्) எனும் சமசுகிருத மொழிச் சொல்லிற்கு உண்மையான, மாறாத, முக்காலங்களில் என்றும் நிலைத்து இருக்கும் பரம்பொருளைக் குறிக்கிறது.[1] பண்டைய இந்திய வேதாந்த சாத்திரங்களில், சத்தியம், அனந்தம் , பிரம்மம், எனும் நிலையான பரம்பொருளைக் குறிக்க சத் எனும் சொல் முன்னொட்டாக குறிக்கப்படுகிறது.[2] [3][4]
சத் குறித்து பிரகதாரண்யக உபநிடத்தின் 1.3.28 மந்திரத்தில் சத் எனும் பிரம்மதைக் குறித்து சிறப்பாக விளக்கப்பட்டுள்ளது.
- Asato mā sad gamaya / tamaso mā jyotir gamaya / mṛtyor mā amṛtam gamaya
- "மாயையிலிருந்து உண்மைக்கு அழைத்து செல்க; இருளிலிருந்து வெளிச்சத்திற்கு அழைத்து செல்க; இறப்பிலிருந்து இறவாமைக்கு அழைத்து செல்க"
சத்தியம், சத்துவ குணம், உண்மை, தூய்மை, நன்மை ஆகிய சமசுகிருத சொற்களின் அடிச்சொல்லே சத் ஆகும். ஆத்மாவை அறிய உதவும் சாத்திரங்களை, சத்-சாத்திரங்கள் என்றும், பிரம்மதை அறிய ஆவல் கொண்டவனைச் சத்தியவான் என்றும் அழைக்கப்படுகிறார்கள்.[5]
சத் எனும் சொல்லின் எதிர்மறைச் சொல் அசத் ஆகும். அசத் எனும் மாயையால் படைக்கப்பட்ட இந்த பிரபஞ்சமும், சீவராசிகளும் நம் பார்வைக்கு தெரிந்தாலும், அவைகள் அனைத்தும் ஒரு காலத்தில் அழியக் கூடியது, நிலையற்றது, பொய் ஆகும்.[1][6]
பொருள்
சத் எனும் சொல் இடத்திற்கு ஏற்ற படி பல பொருள்களைத் தருகிறது.[1][7]
- "மூன்று காலத்திலும் மாறாதது"
- சீவராசிகளுக்கும், காலத்திற்கும், இடத்திற்கும் அப்பாற்பட்டது
- "பிரபஞ்சம் அனைத்திலும் சீராக ஊடுருவிப் பரந்துள்ளது"
- "முற்றான உண்மை"
- "சத்தியம்"
- "பிரம்மம்
இதனையும் காண்க
மேற்கோள்கள்
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
