![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3f/Hazelnuts.jpg/640px-Hazelnuts.jpg&w=640&q=50)
கொட்டை
From Wikipedia, the free encyclopedia
கொட்டை அல்லது பழக்கொட்டை (Nut) என்பது சில வகையான தாவர இனங்களில் காணப்படும், தாமாக உடையாத, கடினமான ஓட்டினால் சூழப்பட்ட பழத்தைக் குறிக்கும். ஒரு பலக்கிய சூலகத்தில் இருந்து உருவாகும் கொட்டைகள் ஒரு கடினமான வெளிச்சுவற்றைக் கொண்டிருக்கும்.
Hazelnut, செசுநட், Acorn போன்றன சில எடுத்துக்காட்டுகளாகும்.
![Thumb image](http://upload.wikimedia.org/wikipedia/commons/thumb/3/3f/Hazelnuts.jpg/640px-Hazelnuts.jpg)
![Thumb image](http://upload.wikimedia.org/wikipedia/commons/thumb/7/72/Chestnut.jpg/640px-Chestnut.jpg)
![Thumb image](http://upload.wikimedia.org/wikipedia/commons/thumb/6/61/Acorns.jpg/640px-Acorns.jpg)
பொது வழக்கில் பல வகையான வறண்ட விதைகளும், பழங்களும் கூடக் கொட்டைகள் என்று அழைக்கப்பட்டாலும், தாவரவியல் அடிப்படையில் அவை கொட்டைகள் அல்ல. தாவரவியலாளர்கள் பொது வழக்கில் கொட்டைகள் என அழைக்கப்படுபவை அனைத்தையும் உண்மையான கொட்டைகளாக ஏற்றுக் கொள்வதில்லை. பல தாவரங்களில், பழங்கள் வெடிக்கும்போது, விதைகள் சிதறி தாமாகவே வெளிப்பட்டுவிடும் எனினும் கொட்டைகளில் அவ்வாறு நிகழ்வதில்லை. பொது வழக்கில், கடின ஓட்டையும், உண்ணக்கூடிய மையப் பகுதியையும் கொண்ட எதனையும் கொட்டை என வழங்கும் வழக்கம் உள்ளது.[1] உணவு மற்றும் சமையல் குறித்த வழக்கில் பொதுவாக பிரேசில் கொட்டை, பிசுத்தா கொட்டை போன்றவற்றையும் கொட்டைகள்[2] என்று அழைக்கப்பட்டாலும், அவை தாவரவியல் அடிப்படையில் கொட்டைகள் அல்ல.
சில வகையான தாவரக் கொட்டைகள் மனித மற்றும் விலங்குகளுக்கு இன்றியமையாத ஊட்டச்சத்து வளங்கும் சத்துணவாக அமைந்திருக்கின்றன.