கூட்டரசு தகவல் செயலாக்கச் சீர்தரங்கள்
From Wikipedia, the free encyclopedia
கூட்டரசு தகவல் செயலாக்கச் சீர்தரங்கள் (Federal Information Processing Standards, FIPS) படைத்துறை அல்லாத அரசு அமைப்புகளிலும் அரசு ஒப்பந்தப் புள்ளிதாரர்களாலும் கணினி அமைப்புகளில் பயன்படுத்த ஐக்கிய அமெரிக்காவின் கூட்டரசு உருவாக்கிய சீர்தரங்களாகும்.[1]
கணினி பாதுகாப்பு மற்றும் ஒருங்கிணைப்பு போன்ற பல்வகைப்பட்ட பயன்பாடுகளின் தேவையைக் கருதி இந்த சீர்தரங்கள் வெளியிடப்பட்டுள்ளன. தொழில்முறை சீர்தரங்கள் ஏற்கெனவே இல்லாத நேரங்களுக்கு இவை பயன்படுகின்றன.[1] அமெரிக்க தரமுறைகளுக்கான தேசிய பயிலகம் (ANSI), ஐஇஇஇ (IEEE), சீர்தரத்துக்கான அனைத்துலக நிறுவனம் (ISO) போன்ற தொழில் சமூகங்களில் பயன்படுத்தப்படும் சீர்தரங்கள் பொருத்தமாக மாற்றப்பட்டு பல கூட்டரசு தகவல் செயலாக்கச் சீர்தரங்களின் வரையறைகள் உருவாக்கப்பட்டுள்ளன.