![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/40/Ketone-group-2D-skeletal.svg/langta-640px-Ketone-group-2D-skeletal.svg.png&w=640&q=50)
கீட்டோன்
From Wikipedia, the free encyclopedia
கீட்டோன் (ketone) என்பது கரிம வேதியியலில் RC(=O)R' என்னும் அமைப்பைக் கொண்ட ஒரு கரிம வேதியியல் சேர்மமாகும். இதில் R உம், R' உம் வெவ்வேறு வகையான கார்பன் அணுக்கள் கொண்ட பதிலியாக இருக்கலாம். கீட்டோனும் ஆல்டிகைடும் சிறப்புக்கூறாக கார்பனைல் குழுவைக் (C=O) கொண்டுள்ளன. கார்பனைல் குழு என்பது கார்பன் ஆக்சிசனுடன் இரட்டைப் பினைப்பால் பிணைக்கப்பட்டிருக்கும் குழுவைக் குறிக்கிறது. −OH அல்லது −Cl போன்ற வினைத்திறன் மிக்க வேதி வினைக்குழுக்கள் கார்பனைல் குழுவிலுள்ள கார்பன் அணுவுடன் நேரடியாக இணைக்கப்படாமல் கார்பாக்சிலிக் அமிலங்களில் −COOH இணைந்திருப்பது போல இணைந்துள்ள காரணத்தால் கார்பனைல் குழு ஓர் எளியகுழுவாகக் கருதப்படுகிறது[1]. பல கீட்டோன்கள் கண்டறியப்பட்டுள்ளன. அவை உயிரியலிலும் தொழிற்துறையிலும் முக்கியத்துவம் பெற்றவையாகவும் உள்ளன. மிகச்சிறிய கீட்டோனாகக் கருதப்படும் அசிட்டோன் என்ற கரைப்பானும் கீட்டோசுகள் என அழைக்கப்படும் பல சர்க்கரைகளும் கீட்டோன்களுக்கு உதாரணமாகும்.
![Thumb image](http://upload.wikimedia.org/wikipedia/commons/thumb/4/40/Ketone-group-2D-skeletal.svg/320px-Ketone-group-2D-skeletal.svg.png)