காசிமேடு
சென்னையிலுள்ள ஒரு புறநகர்ப் பகுதி / From Wikipedia, the free encyclopedia
காசிமேடு (Kasimedu) என்பது இந்தியா தீபகற்பத்தின் தமிழ்நாடு மாநிலத்தில் சென்னை மாவட்டத்திலுள்ள ராயபுரம் புறநகர்ப் பகுதியில் அமைந்துள்ளது. சென்னையில் உணவு மீன்கள் விற்பனையாகும் இடங்களில் காசிமேடு பிரபலமானது.[1] குறைந்த விலை மற்றும் விதவிதமான மீன்களின் வரத்து இதற்கான காரணம். ஏலம் விடப்படும் மீன்களை வாங்க, மொத்த வியாபாரிகள், சில்லறை வணிகர்கள், பொதுமக்கள் ஆகியோர் அதிகமாக வந்து செல்லுகின்றனர்.[2] காசிமேடு, சென்னைக் கடற்கரை தொடருந்து நிலையத்திலிருந்து சுமார் ஐந்து கி.மீ. தூரத்தில் அமைந்துள்ளது. ஒருநாளைக்கு சுமார் இருநூறு டன் மீன்கள் காசிமேட்டுக்கு கொண்டு வரப்படுகின்றன.[3] 2010 ஆம் ஆண்டு ஆரம்பிக்கப்பட்ட கடல்நீரைக் குடிநீராக்கும் திட்டத்தின் கீழ், காசிமேடு பகுதியிலும் சுத்திகரிப்பு நிலையம் ஒன்று அமைக்கப்பட்டு, கடல்நீர் சுத்திகரிக்கப்பட்டு விநியோகம் செய்யப்படுகிறது.[4] சென்னையின் துறைமுகக் கட்டுமானங்கள் விளைவாக, காசிமேடு பகுதியில் கடல் அரிப்புகள் ஏற்படுகின்றன.[5] துறைமுகக் கட்டுமானங்கள் காரணமாக வடக்கு நோக்கி நகரும் நீரோட்டங்கள் தடுக்கப்படுவதால், நீரோட்டங்களின் திசை மாறி, பின் விளைவுகளால், காசிமேடு பகுதியில் சுற்றி கடல் அரிப்புகளை ஏற்படுத்துகின்றன.
காசிமேடு
Kasimedu காசிமாநகர் | |
---|---|
ஆள்கூறுகள்: 13°07′30.4″N 80°17′43.8″E | |
நாடு | இந்தியா |
மாநிலம் | தமிழ்நாடு |
மாவட்டம் | சென்னை மாவட்டம் |
ஏற்றம் | 31 m (102 ft) |
மொழிகள் | |
• அலுவல் | தமிழ், ஆங்கிலம் |
• பேச்சு | தமிழ், ஆங்கிலம் |
நேர வலயம் | ஒசநே+5:30 (இசீநே) |
தொலைபேசி குறியீடு | +9144xxxxxxxx |
மாநகராட்சி | பெருநகர சென்னை மாநகராட்சி |
இணையதளம் | https://chennaicorporation.gov.in |