ஓடுபாதை
வானுர்தி புறப்படத் தயாராகும் நிலம் / From Wikipedia, the free encyclopedia
ஓடுபாதை (Runway) என்பது வானூர்தி நிலையத்தில் நிலத்தில் வரையறுக்கப்பட்ட ஒரு செவ்வகப் பகுதியாகும்.[1] இவை வானூர்திகள் புறப்பட மற்றும் தரை இறங்கப் பயன்படுத்தப்படுகின்றன. ஓடுபாதைகள் மனிதனால் மேற்பரப்பில் மண், தார், பனி, பைஞ்சுதை கலந்து உருவாக்கப்படுகின்றன. நிலையான இறக்கைகள் கொண்ட விமானங்கள் புறப்படும் போது பறக்கும் வேகத்தை அடைவதற்கும், தரையிறங்கும் போது வேகத்தை குறைத்து நிற்கவும் ஓடு பாதைகள் தேவைப்படுகின்றன. காற்று வீசும் திசையில் புறப்படுதல் மற்றும் தரையிறங்குதல் ஆகியவை சாதகமானதாகும். பெரிய விமான நிலையங்களில் பொதுவாக வெவ்வேறு திசைகளில் பல ஓடுபாதைகளைக் இருக்கும். இதனால் காற்றின் திசையோடு கிட்டத்தட்ட ஒத்த ஒன்றைத் தேர்ந்தெடுக்கலாம்.[2]