ஏர் பிரான்சு வானூர்தி 4590
From Wikipedia, the free encyclopedia
ஏர் பிரான்சு வானூர்தி 4590 (Air France Flight 4590), ஏர் பிரான்சு நிறுவனத்தால் பயன்படுத்தப்பட்ட விமானம் ஆகும். இது ஒலியை விட விரைவாகச் செல்லும் கான்கார்ட் என்னும் வானூர்தியாகும். இவ்வானூர்தி பிரான்சின் பாரிஸ் நகர் அருகிலுள்ள சார்லசு தே கால் பன்னாட்டு வானூர்தி தளத்திலிருந்து (பறப்பகத்தில் இருந்து) அமெரிக்காவின் சான் எப் கென்னடி பன்னாட்டு வானூர்தித் தளத்துக்கு செல்வதாயிருந்தது. 25 சூலை, 2000 அன்று பாரிசு அருகிலுள்ள கோனேசு எனுமிடத்தில் விழுந்து நொறுங்கியது. இந்தத் தீநேர்வில் (இவ்விபத்தில்) வானூர்தியில் இருந்த அனைவரும் (நூறு பயணிகளும் ஒன்பது ஊழியர்களும்) இறந்தனர். மேலும் தரையிலிருந்த நான்கு பேர் உயிரிழந்தனர். ஒருவருக்கு பலத்த காயம் ஏற்பட்டது.
Air France Flight 4590 on fire moments after takeoff. | |
தீநேர்வு (விபத்து) சுருக்கம் | |
---|---|
நாள் | சூலை 25, 2000 |
சுருக்கம் | வெளிப்பொருள் சேதம் |
இடம் | கோனெஸ், பிரான்சு |
பயணிகள் | 100 |
ஊழியர் | 9 |
உயிரிழப்புகள் | 113 (வானூர்தியில் 109 , தரையில் 4) |
தப்பியவர்கள் | 0 |
வானூர்தி வகை | கன்கார்ட் |
இயக்கம் | ஏர் பிரான்சு |
வானூர்தி பதிவு | F-BTSC |
பறப்பு புறப்பாடு | சார்லசு டி கோல் பன்னாட்டு வானூர்தி நிலையம் |
சேருமிடம் | சான் எஃப் கென்னடி பன்னாட்டு வானூர்தி நிலையம் |
இவ்வானூர்தி இடாய்ச்சுலாந்தின் பீட்டர் டைல்மான் கிரூயசாசு எனும் நிறுவனத்தால் வாடகைக்கு எடுக்கப்பட்டிருந்தது. அனைத்து பயணிகளும் நியூ யார்க் நகரம் சென்று[1][2] அங்கிருந்து எம்.எசு.டூசுலாந்து எனும் கப்பல் மூலம் தென் அமெரிக்காவுக்கு பதினாறு நாள் பயணமாக செல்வதாயிருந்தனர்.
கான்கார்டு வானூர்தியின் வரலாற்றிலேயே இதுவே மிகக் கொடூரமான தீநேர்வாகும். இத்தீநேர்வு கான்கார்டு பயணிகள் வானூர்திப் போக்குவரத்து மூன்று ஆண்டுகளுக்குப் பிறகு முற்றிலுமாக நிறுத்தப்படுவதற்கு அடிகோலியது.