எலும்பு மச்சை
From Wikipedia, the free encyclopedia
எலும்புநல்லி (Bone marrow) அல்லது எலும்பு மச்சை அல்லது எலும்பு மஞ்சை அல்லது எலும்புச் சோற்றிழையம் என்பது பகுதித் திண்மநிலை உயிரியல் இணைப்பிழையம் ஆகும். இது எலும்பின் பஞ்சுப்பகுதிகளிலும் புரையெலும்புப் பகுதிகளிலும் காணப்படுகிறது.[2] இது பெரிதும் பல எலும்புகளின் நடுப்பகுதியில் காணப்படுகிறது; குறிப்பாக முதன்மையாக விலாக்களிலும் முதுகெலும்புகளிலும், நடுவிலாக்களிலும் இடுப்பு எலும்புகளிலும் அமைகிறது.[3] பறவைகளிலும் பாலூட்டிகளிலும் எலும்புநல்லி தன் முதன்மையான குருதியாக்க மையமாகச் செயல்படுகிறது.[4] இதில் குருதிக்கலங்கள், எஅல்லிக் கொழுப்பு இணைப்பிழையங்கள், ஏந்தலுக்கான கருநிலைக்கலங்கள் ஆகியவை உட்கூறுகளாக அமைகின்றன. நிரலாக (சராசரியாக), மாந்த உடலின் பொருண்மையில் 4% அளவுக்கு எலும்புநல்லி அமைகிறது; 65 கிகி எடையுள்ள வளர்மாந்தரில் எலும்புநல்லி 2.6 கிகி எடையளவுக்குத் தோராயமாக அமைகிறது.[5] மாந்த எலும்புநல்லி ஒருநாளைக்கு 500 பில்லியன் குருதிக் கலங்களை உருவாக்குகிறது; இவை குருதி மண்டலச் சுற்றோட்டத்தில் அகணிக்குழியில் உள்ள குருதிக் குழல்புரைகள் வழியாக கலக்கின்றன].[6] நிணநீர்க்கலங்களும் தண்டுவடக் கலங்கள் உட்பட அனைத்துவகைக் குருதிக்கலங்களும், எலும்புநல்லியில் ஆக்கப்படுகின்றன; என்றாலும் நிணநீர்க்கலங்கள் முதிர, பிற நிணநீர் மண்டலத்துக்குள் நகரல் வேண்டும்.
எலும்புநல்லி Bone Marrow | |
---|---|
விளக்கங்கள் | |
அமைப்பு | நோயெதிர்ப்பு மண்டலம்[1] |
அடையாளங்காட்டிகள் | |
இலத்தீன் | Medulla ossium |
MeSH | D001853 |
TA98 | A13.1.01.001 |
TA2 | 388 |
FMA | 9608 |
உடற்கூற்றியல் |
வெள்ளைக் குருதிக்கலப் புற்று உட்பட்ட கடுமையான எலும்புநல்லி நோய்களை ஆற்ற வேண்டும் எலும்புநல்லிக் கலமாற்றங்களுக்கு, தாவது குருதியாக்க முகிழ்கருக் கலமாற்றங்கள் தேவையாகின்றன். கூடுதலாக எலுபுநல்லி முகிழ்கருக் கலங்கள் வெற்றிகரமாக செயல்முனைவான நரம்புக்கலங்களாக் மாற்றப்பட்டுள்ளன;[7] கிண்ண அழற்சி நோய்களை ஆற்றவும் எலும்புநல்லி முகிழ்கருக் கலமாற்ரங்களைப் பயன்படுத்தலாம்.[8]