![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/da/Walk_against_Cancer_in_Abuja.jpg/640px-Walk_against_Cancer_in_Abuja.jpg&w=640&q=50)
உலகப் புற்றுநோய் நாள்
From Wikipedia, the free encyclopedia
உலகப் புற்றுநோய் நாள் (World Cancer Day) உலகளாவிய அளவில் ஆண்டுதோறும் பிப்ரவரி 4 ஆம் நாள் கொண்டாடப்படுகிறது.[1] புற்றுநோய் குறித்த விழிப்புணர்வை ஏற்படுத்துவதும்,[2] நோய்த் தடுப்பு முறைகள், மற்றும் புற்றுநோய்க்கான சிகிச்சை முறைகளைப் பரப்புவதும் இந்நாள் அனுசரிக்கப்படுவதன் முக்கிய நோக்கங்களாகும். உலகப் புற்றுநோய் நாள் 2008 ஆம் ஆண்டில் எழுதப்பட்ட உலகப் புற்றுநோய்ப் பிரகடனத்தை ஆதரிக்கும் நோக்கில் பன்னாட்டுப் புற்றுநோய் எதிர்ப்பு ஒன்றியம் என்ற அமைப்பினால் ஆரம்பிக்கப்பட்டது. புற்றுநோய் இறப்பு வீதத்தையும் புற்றுநோய்த் தாக்கத்தையும் 2020 ஆம் ஆண்டுக்குள் குறிப்பிடத்தக்களவு குறைத்தலே இதன் முதன்மை நோக்கம் ஆகும்.[3].
உலகப் புற்றுநோய் நாள் World Cancer Day | |
---|---|
![]() உலகப் புற்றுநோய் நாள் 2017 | |
பிற பெயர்(கள்) | உபுநா |
கடைபிடிப்போர் | அமெரிக்க உறுப்பினர்கள் |
அனுசரிப்புகள் | புற்றுநோய் விழிப்புணர்வும், தடுத்தலை ஊக்குவித்தல் |
தொடக்கம் | 4 பிப்ரவரி |
முடிவு | 5 பிப்ரவரி |
நாள் | 4 பிப்ரவரி |
நிகழ்வு | ஆண்டுதோறும் |
தொடர்புடையன | புற்று நோய் |
உலக புற்றுநோய் நாள் தவறான தகவல்களை குறிவைத்து செயற்படுகிறது.[4] விழிப்புணர்வை எழுப்புகிறது மற்றும் களங்கத்தை குறைக்கிறது.[5] புற்றுநோயால் பாதிக்கப்பட்டவர்களுக்கு ஆதரவாக பல முயற்சிகள் உலக புற்றுநோய் நாளில் நடத்தப்படுகின்றன. இந்த இயக்கங்களில் ஒன்று மொட்டைத்தாமி என்ற இயக்கமாகும். புற்றுநோய் சிகிச்சைக்கு உட்படுத்தப்படுபவர்களுக்கு தைரியத்தின் அடையாளத்தைக் காட்டுவதற்காக "சிகையலங்காரம் செய்பவர்கள்" உலகளாவிய அளவில் தங்கள் தலையை மொட்டையடித்துக் கொள்கின்றனர்.[6] இயக்கத்தில் பங்கேற்பாளர்களின் படங்கள் பின்னர் சமூக ஊடகங்கள் முழுவதும் பகிரப்படுகின்றன. இதைப்போன்ற இயக்கங்கள் உலகம் முழுவதும் நூற்றுக்கணக்காக நடைபெறுகின்றன.[7]