![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d5/Ramanagara_.jpg/640px-Ramanagara_.jpg&w=640&q=50)
இராமநகரம்
From Wikipedia, the free encyclopedia
இராமநகரம் (Ramanagara) இந்திய மாநிலமானகர்நாடகாவிலுள்ள ஒரு நகரமும், நகராட்சி மன்றமாகும். இது இராமநகரம் மாவட்டத்தின் தலைமையகமாகும். இது பெங்களூரிலிருந்து சுமார் 50 கிலோமீட்டர் தொலைவில் உள்ளது. பேருந்து மற்றும் தொடர் வண்டி பொது போக்குவரத்தும் உள்ளது. பெங்களூரிலிருந்து சுமார் 90 நிமிடங்களில் நகரை அணுகலாம்.
![Thumb image](http://upload.wikimedia.org/wikipedia/commons/thumb/8/86/Ramanagara_Hills_%2810306067976%29.jpg/640px-Ramanagara_Hills_%2810306067976%29.jpg)
இராமநகரம்
ರಾಮನಗರ பட்டு பள்ளத்தாக்கு | |
---|---|
நகராட்சி | |
![]() இராமநகரம் அருகேயுள்ள வயல்வெளிகள் | |
அடைபெயர்(கள்): சில்க் சிட்டி | |
ஆள்கூறுகள்: 12.723°N 77.286°E / 12.723; 77.286 | |
நாடு | இந்தியா |
மாநிலம் | கருநாடகம் |
மாவட்டம் | இராமநகரம் |
அரசு | |
• வகை | நகரத்தந்தை |
• நிர்வாகம் | நகராட்சி |
ஏற்றம் | 747 m (2,451 ft) |
மக்கள்தொகை (2011) | |
• மொத்தம் | 95,167 |
மொழிகள் | |
• அலுவல் | கன்னடம் |
நேர வலயம் | ஒசநே+5:30 (இந்திய சீர் நேரம்) |
வாகனப் பதிவு | கேஏ-42 |
இணையதளம் | https://ramanagara.nic.in/en/ |
பிரபல பாலிவுட் திரைப்படமான சோலே 1975 ஆம் ஆண்டில் இந்நகரைச் சுற்றியுள்ள இராமகிரி மலைகள் என்று அழைக்கப்படும் மலைகளில் படமாக்கப்பட்டது. இதனால் இம்மலைக்களுக்கு 'சோலே ஹில்ஸ்' என்ற புனைப்பெயரும் உள்ளது.
திப்பு சுல்தானின் ஆட்சி காலத்தில் இந்த நகரம் ஷம்சராபாத் என்று அழைக்கப்பட்டது. சுதந்திரத்திற்கு முந்தைய காலங்களில் பிரித்தானிய கிழக்கிந்திய நிறுவனத்தின் இராணுவத் தளபதி சர் பாரி குளோஸ் (1756-1813) என்பவருக்குப் பிறகு இது குளோஸ்பேட்டை என்று அழைக்கப்பட்டது. இந்த பெயர் நிலவியலில் தக்கவைக்கப்பட்டுள்ளது. பின்னர் இராமநகரம் என்று அழைக்கப்பட்டது. இராமநகரின் பெயர் இராமாயணத்தின் வரலாற்றுக் கதையை அடிப்படையாகக் கொண்டது.